20 кастрычніка, аўторак

Вы тут

Ты ў сеціве? Гавары і слухай!


Пляцоўкай для абмеркавання галоўных трэндаў інтэрнэт-прасторы ў Беларусі стала мерапрыемства пад назвай «І_акаDEмія[A]: інтэрнэт-тэхналогіі», якое праводзілі Беларускі рэспубліканскі саюз моладзі і Акадэмія кіравання пры Прэзідэнце. На форум з'ехаліся блогеры, вэб-журналісты, адміністратары сайтаў БРСМ з усіх куткоў краіны, якія праявілі сябе падчас Года моладзі.

23-59

— Сёння мы ўпершыню сабралі нашых хлопцаў і дзяўчат, якія займаюцца ІT, — распавяла старшыня Цэнтральнай кантрольнай камісіі БРСМ, каардынатар работы арганізацыі ў інтэрнэце Алеся ВІННІК. — Гэта тыя, хто рэалізуе самыя розныя інтэрнэт-праекты, стварае цікавыя праграмы ў сферы інфармацыйных і камунікацыйных тэхналогій, тыя, хто зарэкамендаваў сябе як вядомы блогер, або тыя, хто ўмее прасоўваць суполкі ў сацыяльных сетках. І — самае галоўнае — усе яны гатовы дзяліцца досведам з паплечнікамі.

— Зараз інтэрнэт з'яўляецца адным з асноўных сродкаў камунікацыі, і асабліва актыўна ім карыстаецца моладзь, — падзяліўся меркаваннем дырэктар Інфармацыйна-аналітычнага цэнтра пры Адміністрацыі Прэзідэнта Аляксей ДЗЕРБІН, які прыняў удзел у цырымоніі адкрыцця форуму. — Менавіта таму сённяшняе мерапрыемства актуальнае, як ніколі: моладзі важна быць пачутай, важна мець магчымасць кантактаваць. Яе даюць шматлікія сацыяльныя сеткі і іншыя рэсурсы — там можна выказаць сваё меркаванне, прапанаваць канкрэтныя рашэнні. Зусім нядаўна мы завяршылі праект «Разумныя сеткі», які якраз быў скіраваны на працу з маладымі аналітыкамі, прыцягненне іх да выпрацоўкі дзяржаўных рашэнняў, развіцця аналітычнай супольнасці. Таму мы актыўна рухаемся ў гэтым кірунку.

Яраслаў ЛЫСКАВЕЦ. lyskavets@zvіazda.by

Выбар рэдакцыі

Культура

Франтавiк Мiхаiл Чэпiк эксперыментаваў з аэражывапiсам

Франтавiк Мiхаiл Чэпiк эксперыментаваў з аэражывапiсам

Як хлапчук з беларускай глыбiнкi здолеў паступiць у Маскоўскае мастацкае вучылiшча iмя Калiнiна?

Грамадства

Экс вiцэ-прэм'ер Уладзiмiр Дражын: Галоўнае — не разбурыць, а захаваць i працягнуць работу

Экс вiцэ-прэм'ер Уладзiмiр Дражын: Галоўнае — не разбурыць, а захаваць i працягнуць работу

Аб альтэрнатыве клайпедскаму порту, рэканструкцыi Нясвiжскага палаца i роднай мове падчас сямейных сустрэч.

Грамадства

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Чацвёртая педагагічная неканферэнцыя прайшла ў мінулыя выхадныя з нязменным аншлагам і сабрала больш як тры сотні педагогаў з розных куткоў нашай краіны.