Вы тут

Замовіць таксі праз дыспетчарскую — танней


У сувязі з тым, што пачасціліся звароты грамадзян па пытаннях неабгрунтавана завышаных кіроўцамі аўтамабіляў-таксі тарыфаў, транспартная інспекцыя Міністэрства транспарту і камунікацый выступіла з тлумачэннем сітуацыі. Так, у выпадку, калі пасажыр не звяртаецца ў дыспетчарскую службу для замовы аўтамабіля-таксі, тарыфы гэтай дыспетчарскай службы на перавозку не распаўсюджваюцца.


Тарыфы на паслугі па перавозцы пасажыраў аўтамабілямі-таксі не ўваходзяць у зацверджаны Указам Прэзідэнта Рэспублікі Беларусь ад 25 лютага 2011 года №72 пералік тавараў (работ, паслуг), цэны (тарыфы) на якія рэгулююцца Саветам Міністраў Рэспублікі Беларусь, дзяржаўнымі органамі (арганізацыямі), і зацвярджаюцца самастойна перавозчыкам.

У сувязі з гэтым спецыялісты транспартнай інспекцыі звяртаюць увагу пасажыраў, што, калі пасадка ў аўтамабіль-таксі была праведзена не праз дыспетчарскую службу (шляхам падачы сігналу рукой або са стаянкі), перавозчыкамі можа быць устаноўлены ў шмат разоў завышаны тарыф з уключэннем таксометра і выдачай пасля чэка аб аказанні паслугі па перавозцы.

У адпаведнасці з Правіламі аўтамабільных перавозак пасажыраў, зацверджанымі пастановай Савета Міністраў ад 30 чэрвеня 2008 года №972, пасажыр аўтамабіля-таксі мае права пры афармленні замовы на паездку ў аўтамабілі-таксі атрымліваць інфармацыю аб прыкладным кошце і ўмовах паслуг, што прадастаўляюцца. Трэба звяртаць увагу і даведвацца да пасадкі аб прыблізным кошце ад пачатковага да канчатковага пунктаў маршруту. Апроч таго, у адпаведнасці з вышэйназванымі правіламі, кіроўца аўтамабіля-таксі абавязаны па заканчэнні перавозкі, выкананай за наяўны ці безнаяўны разлік, выдаць пасажыру касавы чэк і правесці з ім разлік. Пасажыр мае права патрабаваць чэк па заканчэнні перавозкі.

Сяргей РАСОЛЬКА

Выбар рэдакцыі

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».

Культура

Карэспандэнты «Звязды» пабывалі на начных здымках нацыянальнага кінапраекта

Карэспандэнты «Звязды» пабывалі на начных здымках нацыянальнага кінапраекта

Гісторыка-прыгодніцкая стужка пра Беларусь, беларуса-ваяра і беларуса-вучонага.

Спорт

Тры медалі ў беларусаў на этапе Кубка свету па скачках на батуце

Тры медалі ў беларусаў на этапе Кубка свету па скачках на батуце

Больш за 150 спарт­сме­наў з 36 кра­ін све­ту — гэта са­мыя моц­ныя ба­ту­тыс­ты су­час­нас­ці.