Бюро Прэзідыума НАН Беларусі агучыла ТОП-10 вынікаў Акадэміі навук за 2015 год у галіне фундаментальных і прыкладных даследаванняў. Усе яны былі апублікаваны ў вядучых сусветных і айчынных навуковых выданнях з высокімі рэйтынгамі.
У дзясятку самых важных дасягненняў акадэмічнай навукі, у прыватнасці, увайшлі новыя нізкамалекулярныя хімічныя злучэнні для стварэння эфектыўных лекавых прэпаратаў супраць ВІЧ /СНІД з шырокім спектрам нейтралізуючага дзеяння. Вынайсці іх супрацоўнікам Аб'яднанага інстытута праблем інфарматыкі дапамог метад камп'ютарнага скрынінгу і мадэлявання.
У Інстытуце фізікі былі створаны новыя нанапамерныя глабулярныя фатонныя крышталі і прадэманстраваны магчымасці фарміравання на іх базе пераўтваральнікаў лазернага выпраменьвання і сэнсараў для аналізу малых колькасцяў рэчываў.
У Навукова-практычным цэнтры НАН Беларусі па матэрыялазнаўстве ўстаноўлена прырода моцных узаемадзеянняў у магнітных паўправадніках, што стварае перадумовы для з'яўлення новых матэрыялаў.
У Інстытуце глебазнаўства і аграхіміі распрацаваны новыя біяхімічныя і мікрабіялагічныя крытэрыі фарміравання ўрадлівасці дзярнова-падзолістых і суглінкавых глеб, што дазваляюць ацаніць актыўнасць працэсаў мінералізацыі і стварыць методыку накіраванай трансфармацыі арганічнага рэчыва глебы.
У Інстытуце гісторыі выяўлены і сістэматызаваны раней не вядомыя помнікі гісторыка-культурнай спадчыны Беларусі і славянскай культуры (комплекс «Васілеўшчына»), якія дазваляюць рэканструяваць гістарычныя падзеі, лад жыцця і побыту ў X—XІІ стст., канкрэтызаваць этапы засялення беларускіх зямель славянамі, што ўяўляе асаблівую каштоўнасць для сусветнай гістарычнай навукі і культуры.
ТОП-10 вызначаўся па выніках конкурсу на адкрытым Бюро Прэзідыума Нацыянальнай акадэміі навук.
nіkalaeva@zvіazda.by
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».