Вы тут

Сакрэты прыгатавання халадца


  • Халадзец можа быць прыгатаваны з аднаго віду мяса (свініны, ялавічыны, кураціны і г.д.) або са спалучэння некалькіх відаў.
  • Каб халадзец добра застыў, булён вараць са свіных або ялавічных ножак, вушэй, хвастоў і галёнак. Менавіта гэтыя часткі тушы змяшчаюць калаген, які надае булёну клейкасць. А ў курыцы або індычкі — лапкі, крылы. Але паколькі мясной мякаці ў гэтых частках мала, дадаткова дабаўляюць мясныя кавалкі.
  • Лепш, калі мяса будзе не замарожанае, а свежае.
  • Каб халадзец атрымаўся празрыстым і добра застыў, нельга даліваць ваду. Лепш адразу варыць у вялікай ёмістасці, вада павінна цалкам пакрываць мяса. Не трэба даваць булёну моцна выкіпаць.
  • Варыцца халадзец ад 3 да 5 гадзін пры павольным кіпенні. Усё залежыць ад колькасці булёну і якасці мяса.
  • Саліць халадзец трэба толькі ў канцы варкі. Калі пасаліць раней, то соль спыніць згусанне булёну. Саліць трэба трохі больш, чым звычайны булён.
  • У булён для халадца дадаюць моркву і іншыя карэнні (корань пятрушкі або сельдэрэя). Некаторыя выкідаюць іх, а іншыя выкарыстоўваюць для ўпрыгожвання.
  • Каб надаць булёну прыгожае залацістае адценне, пры варцы ў яго кладуць і цэлую цыбуліну, не абіраючы яе, а толькі апаласнуўшы вадой. Пасля цыбуліну выкідаюць.
  • У халадзец не кладуць шмат прыпраў, каб не забіць натуральны мясны водар. Звычайна для квашаніны выкарыстоўваюць перац гарошкам, лаўровы ліст (можна закласці ў пачатку варкі літаральна на пяць хвілін і потым выняць, а яшчэ некалькі штук разам з соллю незадоўга да канца варкі — і абавязкова выняць). Дзесьці за 30 хвілін да канца варкі добра дабавіць сухія парасоны кропу, якія затым вынуць. Гэта надасць халадцу асаблівы водар.
  • Каб гатовы халадзец не быў пакрыты слоем тлушчу, яго трэба максімальна зняць з булёну. Можна, працадзіўшы, пераліць булён у шырокі посуд і вынесці на холад. Пакуль будзеце разбірацца з мясам, тлушч застыне, і яго можна будзе лёгка сабраць лыжкай. Тлушч можна выліць, а можна потым ужываць для смажання гародніны.
  • Здрабніць мяса можна некалькімі спосабамі: разабраць рукамі, дробна парэзаць нажом або прапусціць праз мясарубку.
  • Часнок здрабняюць і кладуць непасрэдна ў формы перад заліваннем. Калі вы не любіце, што пападаецца часнок, яго можна пакласці ў булён пасля заканчэння варкі, і пры працэджванні ён зусім знікне.
  • Пасля таго, як ёмістасці запоўнены, іх трэба спачатку астудзіць пры пакаёвай тэмпературы, а затым прыняць у халадзільнік для канчатковага застывання. Ні ў якім разе не стаўце іх у маразільнік!

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».