Вы тут

Аўчынка вартая вырабу


У Лагойскім раёне, што на Міншчыне, замежнае таварыства з абмежаванай адказнасцю «Істэрн Шып» рэалізуе інвестыцыйны праект па будаўніцтве буйнога авечкагадоўчага комплексу на 10 тыс. галоў.


Асноўны статак будуць складаць аўцаматкі французскай мясной пароды іль-дэ-франс, што дазволіць атрымліваць за год да 470 тон бараніны ў жывой вазе, а таксама якасную воўну для патрэб прамысловасці.

— У перспектыве плануецца перапрацоўка мяса і яго пастаўка ў гандлёвыя сеткі, — адзначыў намеснік дырэктара кампаніі Вадзім Маршак. — Беларусы адвыклі ад бараніны, і мы маем намер прывучыць іх да спажывання гэтага прадукту, які ва ўсім свеце лічыцца адным з самых лепшых па якасці і засваяльнасці.

Спрадвеку ці не кожны вясковы жыхар меў на сваім падворку авечак. Статак не толькі карміў, але і апранаў і абуваў сям'ю: з воўны выраблялі валёнкі, з аўчыны шылі кажухі.

Яшчэ ў 80-я гады мінулага стагоддзя Беларусь практычна забяспечвала сябе баранінай, а лёгкую прамысловасць якаснай воўнай. Пасля аварыі на Чарнобыльскай АЭС большую частку пагалоўя давялося ліквідаваць, паколькі воўна жывёлы назапашвала радыенукліды. Цяпер вучоныя выпрацавалі новыя тэхналогіі, якія дазваляюць атрымліваць чыстую прадукцыю.

— Так што ўвод у дзеянне прадпрыемства павінен пасадзейнічаць аднаўленню цэлай галіны ў сельскай гаспадарцы, — лічыць Вадзім Маршак.

lazovskaya@zviazda.by

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».