Многім у нас ужо вядомая акцыя «Мяняй цыгарэты на цукеркі!», але 55-гадоваму жыхару Латвіі з-за тытуню давялося развітацца з аўтамабілем.
— Ён спрабаваў перавезці з Беларусі ў Латвію праз пункт спрошчанага пропуску «Плюсы» Браслаўскага раёна на 20 пачак цыгарэт больш, чым дазволена. Па рашэнні суда Кастрычніцкага раёна Віцебска вінаватага аштрафавалі на 30 базавых велічынь, канфіскавалі цыгарэты коштам каля
230 тысяч рублёў і аўтамабіль Hyundaі Santa Fe. У ім парушальнік і зрабіў тайнік, у якім схаваў кантрабанду, — расказаў «Звяздзе» пракурор аддзела па наглядзе за выкананнем заканадаўства і законнасцю прававых актаў пракуратуры Віцебскай вобласці Ілья Белавус.
Згодна з мытнымі правіламі, аднаму чалавеку (старэйшаму за 18 гадоў) дазваляецца вывозіць або ўвозіць на тэрыторыю Беларусі не больш як 40 штук цыгарэт. І нават калі лішнюю колькасць тытуню перавозяць на чужой машыне, апошнюю могуць канфіскаваць.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
