Вы тут

Добрыя справы не заканчваюцца!


Дзякуючы прапанове Беларускага рэспубліканскага саюза моладзі і ўхваленні гэтай ініцыятывы кіраўніком дзяржавы мінулы год прайшоў у Беларусі як Год моладзі. Актывісты БРСМ актыўна ўключыліся ва ўвасабленне ў жыццё многіх мерапрыемстваў, скіраваных на падтрымку маладых талентаў, патрыятычнае выхаванне падрастаючага пакалення, аказанне дапамогі тым, хто мае ў ёй патрэбу.

Уся гэтая дзейнасць арганізацыі і яе актывістаў знаходзіла адлюстраванне на старонках найстарэйшага ў краіне штодзённага беларускамоўнага выдання — газеты «Звязда» і ў прыватнасці яе маладзёжнага дадатку «Чырвонка. Чырвоная змена». Акцыі БРСМ да 70-годдзя Перамогі, валанцёрства, студэнцкае жыццё і вучоба, дзейнасць студатрадаў, магчымасці працаўладкавання, будні маладых спецыялістаў, якія атрымалі сваё першае працоўнае месца, — вось далёка не поўны пералік тэм, якія рэгулярна і ўсебакова асвятляліся на старонках нашага выдання. Што і гаварыць, давялося папрацаваць, бо прайшоўшы Год моладзі сапраўды быў багатым на самыя розныя падзеі і мерапрыемствы.

Аднак тое, што ён скончыўся, зусім не азначае, быццам моладзь зараз сядзе і «складзе рукі»! Упэўнены, зададзены Годам моладзі настрой на добрыя справы дасць свой плён і сёлета, і мы таксама пачуем пра мноства новых пачынанняў актыўных юнакоў і дзяўчат. Таму «Чырвонка. Чырвоная змена» сумесна з Беларускім рэспубліканскім саюзам моладзі вырашыла распачаць праект пад назвай «Скарбонка добрых спраў». Яго мэта — паказаць гэтыя самыя канкрэтныя справы і заахвоціць моладзь ва ўсіх рэгіёнах краіны да ўдзелу ў падобных мерапрыемствах. Добраўпарадкаванне тэрыторыі, валанцёрства, дапамога ветэранам, правядзенне рознага кшталту спаборніцтваў, акцый — гэта можа быць што заўгодна. Аб'ядноўваць іх будзе адно — жаданне зрабіць добрую справу, дапамагчы, падтрымаць іншых. І пра гэтыя справы моладзі мы плануем пісаць цягам года. Далучайцеся!

Куратары праекта Надзея НІКАЛАЕВА і Сяргей РАСОЛЬКА


Паказаць сябе і знайсці сяброў

Рэспубліканская дабрачынная акцыя «Калядная ёлка — нашы дзеці» сёлета праводзілася ўжо 22-гі раз. Штогод у Мінск з'язджаюцца хлопцы і дзяўчаты з пацярпелых ад аварыі на Чарнобыльскай АЭС рэгіёнаў трох краін: Беларусі, Расіі і Украіны. Гэтым разам сустрэча, зладжаная Дэпартаментам па ліквідацыі наступстваў катастрофы на Чарнобыльскай АЭС, Беларускім рэспубліканскім саюзам моладзі і Беларускім фондам міру, аб'яднала 1 650 дзяцей і падлеткаў, сярод якіх было нямала выхаванцаў школ-інтэрнатаў і дзіцячых дамоў.

Адным з галоўных мерапрыемстваў «Каляднай ёлкі» стала наведванне дзецьмі мінскага Свята-Духава кафедральнага сабора і ўдзел у святочнай літургіі разам з Мітрапалітам Мінскім і Заслаўскім, Патрыяршым Экзархам усяе Беларусі Паўлам. Прыкладна паўтысячы хлопцаў і дзяўчат падарылі яму свае творчыя нумары. Уладыка ў адказ блаславіў удзельнікаў акцыі, павіншаваў іх са святам Нараджэння Хрыстова і ўручыў святочныя салодкія гасцінцы.

— У Беларусь на Каляды мы прыязджаем ужо не першы раз, — расказалі вакалісткі ўкраінскага ансамбля скрыпачоў «Віяліначкі» з Чарнігаўскай вобласці Вольга РУБЕЙ і Адэліна ЛАПАЧУК. — Сёлета прывезлі адразу некалькі кампазіцый: вядомую народную песню «Шчэдрык», якую выконваюць на Каляды, і папуры «Вяночак украінскіх песень». У Беларусі нам вельмі цікава: святочная атмасфера, такія гасцінныя людзі. Вельмі падабаецца ваша мова, яна падобная да нашай, але адначасова адметная. Летась падчас такой жа паездкі займелі тут шмат сяброў, падтрымліваем сувязь і цяпер праз сацыяльныя сеткі.

— Галоўная задача нашай акцыі — даць дзецям магчымасць рэалізаваць свой творчы патэнцыял, — адзначыла сакратар Цэнтральнага камітэта БРСМ Вікторыя МЯНАНАВА. — Мерапрыемства стала добрай традыцыяй, ды і самім удзельнікам яно вельмі падабаецца — гэта выдатная магчымасць завесці новыя знаёмствы, пабываць у цікавых мясцінах. Многія загадзя рыхтуюцца да паездкі і ўжо ведаюць, з кім са старых сяброў змогуць зноў сустрэцца. Таму можна сказаць, што акцыя цягнецца круглы год.

lyskavets@zvіazda.by

Фота Яўгена ПЯСЕЦКАГА

Выбар рэдакцыі

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Грамадства

Хто пашкоджвае дрэвы ў вашым садзе?

Хто пашкоджвае дрэвы ў вашым садзе?

Хто, як не вучоныя Інстытута пладаводства, ведае, як атрымаць добры ўраджай і засцерагчы сад ад хвароб.

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.