Дорага можа абысціся двум магілёўскім прадпрымальнікам спроба выдаць сябе за малазабяспечаных. Следствам устаноўлена, што абвінавачаныя наўмысна знізілі свой сукупны даход і прадставілі ў адпаведныя арганізацыі недакладныя звесткі.
— На падставе гэтых ілжывых дакументаў іх сям'я з 5 чалавек была зацверджана ў спісах грамадзян, якія маюць патрэбу ў паляпшэнні жыллёвых умоў і могуць разлічваць на льготны крэдыт, — паведаміў падрабязнасці справы намеснік начальніка ўпраўлення Дэпартамента фінансавых расследаванняў КДК па Магілёўскай вобласці Аляксандр Шаройкін. — На імя жанчыны была адкрыта крэдытная лінія.
Дарэчы, сужэнцы не ўпершыню трапілі ў поле зроку праваахоўнікаў. Падман раскрыўся падчас праверкі ўпраўленнем па барацьбе з эканамічнай злачыннасцю УУС аблвыканкама яшчэ аднаго факта махлярства з іх боку.
Зараз муж з жонкай затрыманы, на іх маёмасць коштам 10 мільярдаў рублёў накладзены арышт. У адносінах да іх распачата крымінальная справа па артыкуле 209 (часткі 2 і 4). Зараз яна разглядаецца ўпраўленнем Следчага камітэта па Магілёўскай вобласці.
zigulya@zviazda.by
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.