Вы тут

Пенсіі і дапамогі на дзяцей падрастуць


З наступнага месяца павышаецца бюджэт пражытачнага мінімуму (далей БПМ). Яго памер у сярэднім на душу насельніцтва складзе 1 мільён 591 тысячу рублёў (на 24 тысячы больш, чым у папярэднім квартале). Для працаздольнага насельніцтва гэты нарматыў будзе раўняцца 1 мільёну 751 тысячы, для пенсіянераў — 1 мільёну 213 тысячам, для студэнтаў — 1 мільёну 539 тысячам. БПМ для дзяцей, у залежнасці ад узросту, складзе ад 1 да 1,7 мільёна. У сувязі з гэтымі зменамі павялічацца некаторыя выплаты.


22 мільёны за другое дзіця

Дапамога пры нараджэнні першага дзіцяці з лютага вырасце на 240 тысяч і складзе 15,9 мільёна (10 БПМ). Пры з'яўленні другога і наступнага немаўлят маці атрымаюць больш за 22 мільёны. Амаль 1,6 мільёна будуць плаціць жанчынам, які сталі на ўлік у дзяржаўныя арганізацыі аховы здароўя да 12-тыднёвага тэрміну цяжарнасці. Сем'ям, што адначасова выхоўваюць малога да трохгадовага ўзросту і дзіця ад 3 да 18 гадоў, налічаць штомесячную дапамогу ў памеры амаль 800 тысяч.

Вырастуць таксама пенсіі. Праўда, не для ўсіх катэгорый. На 1,4 працэнта павысіцца мінімальная працоўная пенсія і надбаўкі за ўзрост. Пажылым ва ўзросце ад 75 да 80 гадоў будуць даплачваць па 298 тысяч рублёў, тым, каму споўнілася 80 і больш, — амаль па 398 тысяч. На 1,4 працэнта падрастуць і сацыяльныя пенсіі. Выплаты інвалідам 1-й групы складуць 1 мільён 750 тысяч у месяц, інвалідам 2-й групы — 1 мільён 352 тысячы (калі гэта інвалід з дзяцінства, то амаль на 160 тысяч больш), інвалідам 3-й групы — 1 мільён 193 тысячы. Сацыяльная пенсія па страце карміцеля на кожнае дзіця павялічыцца да 1 мільёна 352 тысяч.

Новы крытэрый для адраснай дапамогі

Добрая навіна для тых, хто хоча распачаць свой бізнес: павялічацца дзяржаўныя субсідыі на адкрыццё сваёй справы. Цяпер прадпрымальнік-пачатковец можа разлічваць на стартавы капітал у памеры 17,5 мільёна (на 260 тысяч больш, чым раней). Калі вы збіраецеся станавіцца рамеснікам ці адкрываць сваю фірму ў сельскай мясцовасці, малых гарадах, то вам выдадуць 23,9 мільёна. Ваша справа звязана з укараненнем вынікаў навукова-тэхнічных даследаванняў і распрацовак — трымайце амаль 32 мільёны!

Дапамога незанятым сем'ям, якія перасяляюцца на новае месца працы, з лютага складзе 11,1 мільёна рублёў (прыкладна на 170 тысяч больш). Тым, хто пераязджае ў сельскую мясцовасць, гарады-спадарожнікі і малыя гарады даплацяць яшчэ па 3 мільёны 182 тысячы.

Разам з БПМ павялічыцца дапамога маладым і шматдзетным сем'ям пры аплаце крэдытаў на жыллё. Сёння памер гэтай падтрымкі для бацькоў з адным малым складае 62,7 мільёна. З наступнага месяца сума дапамогі падрасце на мільён. Сем'ям з двума дзецьмі, каб пагасіць крэдыт на кватэру, будуць выдаваць па 127 мільёнаў, а там, дзе тры і больш выхаванцаў, — па 159 мільёнаў (прыкладна на 2,5 мільёна больш, чым цяпер).

Разам з тым, адзначаюць у Мінпрацы, складаней стане атрымаць адрасную сацыяльную дапамогу. Для гэтага прыбытак чалавека павінен быць ніжэйшы за 1 мільён 591 тысячу.

lubneuskaya@zvіazda.by

Выбар рэдакцыі

Грамадства

Аповед жанчыны, якая здолела вярнуць дачку з сацыяльнага прытулку

Аповед жанчыны, якая здолела вярнуць дачку з сацыяльнага прытулку

Жанчыну, якая здолела не толькі вярнуць дзіця з прытулку, але і далей выхоўвае яго, знайсці аказалася не проста. 

Грамадства

Чаму зараз варта далей трымацца ад вадаёмаў?

Чаму зараз варта далей трымацца ад вадаёмаў?

Люты больш нагадвае пазачарговы вясновы месяц.

Грамадства

Капыльскі раён. Мінулы год можна назваць стабільным

Капыльскі раён. Мінулы год можна назваць стабільным

Чым Капыльскі раён жыве сёння і якія планы на перспектыву?

Грамадства

Якую літаратуру здаюць у букіністычныя крамы?

Якую літаратуру здаюць у букіністычныя крамы?

Калі звычайныя кнігарні працуюць па формуле «кніга — чалавек», то букіністычныя трымаюцца на прынцыпе «людзі — кнігі — людзі».