У Мінску плануецца на працягу першага паўгоддзя 2016-га распрацаваць і ўвесці новы мабільны дадатак па рабоце гарадской сістэмы жыллёва-камунальнай гаспадаркі. Пра гэта сёння паведаміў генеральны дырэктар дзяржаўнага аб'яднання «Мінская гарадская жыллёвая гаспадарка» Віталь СМІРНОЎ.
З дапамогай мабільнага дадатку ўладальнікі смартфонаў будуць атрымліваць імгненныя апавяшчэнні аб тым, дзе адбылося адключэнне гарачай вады, цеплазабеспячэння, электрычнасці і з якой прычыны, як доўга будуць весціся аварыйныя працы, калі пройдуць суботнікі і іншую інфармацыю, што датычыцца сферы ЖКГ сталіцы. Вядома, дасылацца такія паведамленні будуць па жаданні ўладальніка гаджэта.
— Выкарыстанне такога мабільнага дадатку дапаможа знізіць колькасць зваротаў грамадзян па тэматыцы ЖКГ, — упэўнены Віталь Смірноў. — З гэтай задачай паспяхова спраўляецца і партал «Мой Горад» 115.бел. Ён пазбавіў нас ад непатрэбнай перапіскі з гараджанамі.
Як адзначыў гендырэктар МГЖГ, за два першыя месяцы працы партала (лістапад — снежань 2015 г.) паступіла 2774 запыты ад мінчан, 2189 ужо выкананы. 585 засталіся на кантролі, яны звязаны з сезоннасцю выканання работ.
Апроч таго, разам з парталам у сталіцы працуе агульнагарадскі call-цэнтр, пазваніўшы ў які па нумары 115, можна пакінуць заяўку на выкананне камунальных работ.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.