Першае мерапрыемства патрыятычнай акцыі пад назвай «Тут жыве ветэран» прайшло ў Брэсце. На доме, дзе пражывае ўдзельнік Вялікай Айчыннай вайны Міхаіл Данілавіч Пралееў, з'явілася таблічка, на якой адлюстраваны ваенныя ордэны і напісаны словы падзякі абаронцу Радзімы. Прымацавалі ўказаны знак актывісты БРСМ разам са старшынёй абласнога аддзялення Беларускага фонду міру Лідзіяй Раманюк.
Дарэчы, акцыя была прымеркаваная да дня нараджэння ветэрана. Міхаілу Данілавічу споўнілася 92 гады. Яго цёпла павіншавалі, уручылі падарунак. А расказ былога воіна пра падзеі ваенных гадоў запісалі. Ён стане першай старонкай у электроннай кнізе ўспамінаў, якую плануецца размясціць на інтэрнэт-рэсурсах Брэсцкай абласной арганізацыі БРСМ.
Арганізатарам акцыі выступае грамадскае аб'яднанне «Беларускі фонд міру». Кампанія распачалася з Мінскай вобласці і прадоўжылася ў Брэсце. Паводле слоў старшыні абласной арганізацыі Беларускага фонду міру Лідзіі РАМАНЮК, да 9 Мая плануецца наведаць усіх ветэранаў вайны і размясціць на іх дамах памятныя таблічкі.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.