У штаб-кватэры ФІБА адбылося лёсаванне адборачнага турніру па баскетболе на Алімпіяду ў Бразілію. Беларускія дзяўчаты апынуліся ў групе «С», там яны паспрачаюцца за запаветную пуцёўку ў Рыа са зборнымі Карэі і Нігерыі.
Турнір пройдзе з 12 па 19 чэрвеня ў Нанце (Францыя), там выступяць 12 каманд:
Група А: 1. Куба; 2. Новая Зеландыя; 3. Францыя.
Група B: 1. Камерун; 2. Турцыя; 3. Аргенціна.
Група С: 1. Беларусь; 2. Карэя; 3. Нігерыя.
Група D: 1. Венесуэла; 2. Іспанія; 3. Кітай.
Па выніках папярэдняга раўнда каманды, якія занялі 1—2 месцы, выходзяць у наступны круг, дзе пераможцы чвэрцьфіналаў атрымаюць пуцёўкі на Гульні, астатнія чатыры зборныя ў плэй-оф разыграюць апошнюю пятую ліцэнзію на Алімпіяду-2016.
Права выступіць у Рыа ўжо маюць дружыны Бразіліі (краіна-гаспадыня), ЗША, Японіі, Канады, Сенегала, Сербіі і Аўстраліі.
Нагадаем, што на Алімпіядзе-2008 зборная Беларусі пад кіраўніцтвам Анатоля Буяльскага заняла 6-е месца.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
