Вызначаны лаўрэаты конкурсу «Найлепшыя тавары Рэспублікі Беларусь» 2015 года. Было адзначана 248 тавараў, якія выпускаюцца 143 арганізацыямі Беларусі.
Прадпрыемствам, тавары якіх удастоены звання лаўрэата, будуць уручаны дыпломы і дадзена права размяшчэння лагатыпа конкурсу на таварах і іх упакоўцы, а таксама ў дакументацыі і рэкламных матэрыялах.
У намінацыі «Харчовыя тавары» лаўрэатамі сталі 168 найменняў прадуктаў 84 арганізацый. Па катэгорыі «Прадукцыя вытворча-тэхнічнага прызначэння» вызначаны 46 тавараў-пераможцаў 30 прадпрыемстваў, а ў намінацыі «Прамысловыя тавары для насельніцтва і вырабы народных промыслаў» — 31 тавар, які выпускаецца 26 арганізацыямі. Звання лаўрэата конкурсу ў намінацыі «Паслугі насельніцтву» ўдастоены 3 арганізацыі.
У прэс-службе Дзяржстандарта адзначылі, што многія прадпрыемствы ўдзельнічаюць у конкурсе штогод і перамагаюць у ім, бо стабільна забяспечваць высокі ўзровень прадукцыі і пашыраюць яе асартымент. Сярод іх — акцыянерныя таварыствы «Савушкін прадукт» (Брэст), «Беллакт» (Ваўкавыск), кіруючая кампанія холдынга «Беларуская гарбарна-абутковая кампанія «Марка» (Віцебск), «Калінка» (Салігорск), Беларускі металургічны завод — кіруючая кампанія холдынга «Беларуская металургічная кампанія» (Жлобін) і іншыя.
— Ёсць прадпрыемствы, якія ўпершыню ўдзельнічалі ў гэтым конкурсе і адразу сталі яго лаўрэатамі. Напрыклад, гэта Ляхавіцкі малочны завод, камбінат «Усход» (Гомельская вобласць), СВК «Прагрэс-Верцялішкі» (Гродзенская вобласць), СВК імя
В.І. Крамко (Гродзенская вобласць), ТАА «ЭФЕКТЫЎНЫЯ СІСТЭМЫ ЎПАКОЎКІ» (Мінская вобласць) і іншыя, — падкрэслілі ў прэс-службе камітэта.
Звесткі аб таварах-лаўрэатах і іх вытворцах размяшчаюцца на сайце Дзяржстандарту (www.gosstandart.gov.by) і ў штогадовым ілюстраваным каталогу «Найлепшыя тавары Рэспублікі Беларусь», які рассылаецца ў прадстаўніцтвы нашай краіны за мяжой.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».