Вы тут

«Беларусь 5» пакажа папулярныя сусветныя спартыўныя спаборніцтвы


Ужо 20 лютага ў «Раўбічах» распачнецца этап Кубка свету па фрыстайле, які, як паведамілі ў прэс-службе Белтэлерадыёкампаніі, абавязкова будзе паказаны на тэлеэкранах. Тым, хто не здолее патрапіць на трыбуны, будзе каго падтрымаць і перад тэлевізарам. Напрыклад, таго ж Максіма Гусціка, які перамагаў у акрабатыцы на адным з заключных этапаў 2015 года.


Буйныя вясновыя трансляцыі спартыўны канал распачне паказам чэмпіянату свету па біятлоне, які з 3 па 13 сакавіка пройдзе ў нарвежскім Халменколене. У красавіку «Чыжоўка-Арэна» прыме чэмпіянат свету сярод 18-гадовых хакеістаў у Дывізіёне І. А ў маі ў Санкт-Пецярбургу — планетарнае хакейнае першынство. Паядынкі абодвух турніраў пакажуць па Беларускім тэлебачанні. «Мы збіраемся паказаць усе матчы з удзелам нашай зборнай і плэй-оф у поўным аб'ёме, — кажа Аляксандр Казюкевіч, кіраўнік канала «Беларусь 5». — Плануем, што гульні зборнай Беларусі будуць ісці на галоўным тэлеканале краіны. На другім сфарміруем пакет з паядынкамі расійскай зборнай, што традыцыйна выклікаюць у нашых гледачоў вялікі інтарэс. А на «Беларусь 5» пакажуць астатнія сустрэчы. На мой погляд, мы не маем права не паказаць матч, напрыклад, Канада—ЗША. Безумоўна, у Маскве і Санкт-Пецярбургу будзе працаваць наша група. Таму трэба чакаць у тым ліку эксклюзіў».

Гэтае лета — цуд для футбольных гурманаў. З 10 чэрвеня па 10 ліпеня ў Францыі пройдзе чэмпіянат Еўропы, і «Беларусь 5» пастараецца паказаць усе матчы першынства, агляды. У студыю будуць запрашаць экспертаў. Што цікава, да кантынентальнага турніру на канале ўжо пачалі рыхтавацца. У эфір выйшаў першы з дванаццаці 26-хвілінных дзённікаў «Па дарозе да EURO».

Ну а ў жніўні, з 5-га па 21-га, у Рыа-дэ-Жанейра адбудуцца галоўныя спартыўныя старты года — Алімпійскія гульні, на якіх разыграюць рэкордную колькасць камплектаў узнагарод — 306 медалёў. «Беларусь 5» будзе асвятляць Алімпіяду ў поўным аб'ёме. «Гледачы ўбачаць начныя трансляцыі ў прамым эфіры, — кажа Аляксандр Казюкевіч. — А затым днём у паўторы, калі ў Бразіліі будзе ноч. За выключэннем рэдкіх другіх трансляцый — усё-такі ў жніўні настане пара вырашальных матчаў кваліфікацыі футбольных еўракубкаў. Мяркую, у гэтым выпадку таксама будуць задзейнічаны іншыя каналы нашай кампаніі. Вяшчанне Гульняў кожны дзень будзе пачынацца з 15:00 і працягнецца да шасці гадзін раніцы».

taras@zviazda.by

Загаловак у газеце: Ад фрыстайла да футбола

Выбар рэдакцыі

Хведар Чэрня. Сябра маёй вясны

Хведар Чэрня. Сябра маёй вясны

Радок на яго помніку спыняе і змушае задумацца.

Культура

Адэльск: турыстычная Мекка на прыграніччы

Адэльск: турыстычная Мекка на прыграніччы

Адэльск — унікальнае месца. Ціхая вёска на самым ускрайку заходняй мяжы становіцца з кожным годам усё больш знакамітай.

Грамадства

Як хутка людзі змогуць стаць менш агрэсіўнымі?

Як хутка людзі змогуць стаць менш агрэсіўнымі?

 Псіхолаг Раман Кручкоў упэўнены, што на самай справе агрэсія ўласціва ўсім людзям.  

Грамадства

Археалагічны комплекс «Бярэсце» стане першай пляцоўкай святкавання тысячагоддзя

Археалагічны комплекс «Бярэсце» стане першай пляцоўкай святкавання тысячагоддзя

Археалагічны музей «Бярэсце» і навакольная тэрыторыя перажываюць вялікае абнаўленне.