Вы тут

Абстаноўка з нелегальнай міграцыяй — пад кантролем


Насычаная мігрантамі Еўропа паспрабавала працягнуць руку дапамогі, але гэты жэст дабрыні неўзабаве паставіў еўрапейскіх чыноўнікаў у тупік, а нядаўнія масавыя напады на жанчын Германіі толькі больш абвастрылі абстаноўку. Беларусь, як і многія краіны постсавецкай прасторы, гэтая праблема моцна не закранула, аднак апошнія падзеі ў свеце прымушаюць быць напагатове.


— Вы бачыце, што сёння адбываецца ў Еўропе? Некаторыя краіны праз заканадаўчыя меры пачынаюць выціскаць бежанцаў са сваіх тэрыторый, — у Мінску падчас пасяджэння па пытаннях барацьбы з незаконнай міграцыяй Каардынацыйнага савета кіраўнікоў кампетэнтных органаў Арганізацыі Дагавора аб калектыўнай бяспецы звярнуўся да журналістаў Мікалай Бардзюжа, генеральны сакратар АДКБ. — І мы не выключаем, што праз пэўны час патокі гэтых мігрантаў могуць апынуцца ля нашых граніц. Мы павінны быць да гэтага гатовыя.

Мікалай Бардзюжа таксама сказаў, што заканадаўства ў краінах АДКБ будзе мяняцца ў залежнасці ад абстаноўкі. Праўда, пад інтарэсы мігрантаў яно падстройвацца не будзе.

А як з гэтым у нас? Жан Іў Бушардзі, прадстаўнік Упраўлення Вярхоўнага камісара ААН па справах бежанцаў у Беларусі, неяк заўважыў, што ў нашай краіне дзейнічае перадавое заканадаўства ў сферы вымушанай міграцыі, але яго таксама можна ўдасканальваць. І некаторыя крокі ў гэтым кірунку ўжо робяцца. Так, неўзабаве ў парламенце будуць разглядаць закон, які дазволіць больш дэтальна, глыбока працаваць з замежнікамі.

Сітуацыю, звязаную з незаконнай міграцыяй у нашай краіне, Мікалай Мельчанка, намеснік міністра ўнутраных спраў Беларусі, пракаментаваў наступным чынам.

— Абстаноўка з нелегальнай міграцыяй застаецца пад кантролем. Яна такой была, ёсць і будзе. На Беларусь ускладаецца двайная адказнасць: мы мяжуем з краінамі Еўрасаюза, з'яўляемся бар'ерам на шляху незаконных мігрантаў. Рызыка прысутнічае, але мы да яе падрыхтаваныя.

Мікалай Мельчанка таксама адзначыў, што ў агульнай карціне доля сірыйскіх мігрантаў невялічкая, значнай ролі не адыгрывае. Гэта пераважна людзі, якія адаптаваныя да нашых умоў жыцця.

Людзей, безумоўна, хвалюе і тое, каб пад выглядам мірных жыхароў у нашу краіну не патрапілі байцы «Ісламскай дзяржавы», якія ваююць у Сірыі. Аднак, як запэўнілі нас у Галоўным упраўленні па барацьбе з арганізаванай злачыннасцю і карупцыяй МУС, вядомыя байцы знаходзяцца на кантролі ў нашым КДБ, у памежнікаў. Усе ведамствы паміж сабой узаемадзейнічаюць. І ў Беларусі не выявілі шмат падобных фактыў. Агулам атрымалі некалькі чалавек, што знаходзіліся ў вышуку ў Расіі.

Што да пасяджэння, яго ўдзельнікі абмеркавалі некалькі сумесных аперацый па барацьбе з нелегаламі, а таксама стварэнне сістэмы рэгулярнага абмену інфармацыяй па міграцыйнай абстаноўцы ў краінах АДКБ. Увядзенне падобнай сістэмы мусіць павысіць эфектыўнасць прагназавання рызык і пагроз, звязаных з магчымым павелічэннем бежанцаў.

taras@zviazda.by

Лічбы. Як паведамілі ва ўпраўленні інфармацыі і грамадскіх сувязяў МУС Беларусі, з 2014 года павялічылася колькасць затрыманняў арганізаваных груп нелегальных мігрантаў, якія выкарыстоўваюць нашу краіну як транзітную тэрыторыю на шляху ў Еўрасаюз. Пазалетась праваахоўнікі затрымалі 33 нелегалы ў складзе 8 груп. Летась — 21 групу (84 мігранты). Заведзена 81 крымінальная справа. 70 чалавек прыцягнулі да крымінальнай адказнасці.

Выбар рэдакцыі

Культура

Мікалай Пінігін: Каб ведаў як, сам напісаў бы класную сучасную п'есу

Мікалай Пінігін: Каб ведаў як, сам напісаў бы класную сучасную п'есу

На рахунку рэжысёра і мастацкага кіраўніка Купалаўскага тэатра Мікалая Пінігіна больш за семдзесят спектакляў, і па некаторыя з іх хоць зараз ідзі на вуліцу Энгельса. 

Грамадства

Расказваем пра тое, як на Брэстчыне раней гатавалі варэнне і як гэта робяць цяпер

Расказваем пра тое, як на Брэстчыне раней гатавалі варэнне і як гэта робяць цяпер

Аказваецца, у нашых вёсках амаль да другой паловы ХХ стагоддзя не мелі звычкі нарыхтоўваць яго, не ведалі, як варыцца.

Спорт

Як у Бабруйску рыхтуюць будучых чэмпіёнаў

Як у Бабруйску рыхтуюць будучых чэмпіёнаў

Менавіта з Бабруйска выйшлі прызёры самых прэстыжных сусветных турніраў па веславанні, барацьбе, боксе, шахматах, лёгкай і цяжкай атлетыцы.

Грамадства

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Летась у Мінскай вобласці адлавілі больш за пяць тысяч бадзяжных жывёл, толькі 203 з іх знайшлі свой дом. Толькі ўявіце сабе, як лічбы адлову павялічваюцца ў маштабах усёй краіны!