Сіньцзян-Уйгурскі аўтаномны раён (Паўночна-заходні Кітай) запусціў работы па стварэнні "эканамічнага пояса Шаўковага шляху" ў Інтэрнэце з дапамогай мультымоўнага мабільнага кліента Watching ("Навіны без межаў"), закліканага развіваць інфармацыйную ўзаемасувязь паміж краінамі ўздоўж "пояса". Пра гэта паведамляе "Сіньхуа".
Перш за ўсё мабільны кліент "Навіны без межаў" быў запушчаны ў Ісламабадзе (сталіцы Пакістана) на ўрду — мове, на якой у свеце размаўляюць каля 200 млн. чалавек. На гэтай платформе будуць размяшчацца актуальныя пакістанскія навіны, самая свежая інфармацыя пра рэалізацыю праекта Кітайска-пакістанскага эканамічнага калідора і стратэгіі "эканамічны пояс Шаўковага шляху".
Але гэта толькі першы крок у стварэнні Сіньцзянам "эканамічнага пояса Шаўковага шляху" ў Інтэрнэце. Мультымоўны мабільны кліент з'явіцца і ў іншых краінах уздоўж "пояса" — у Цэнтральнай, Паўднёвай і Заходняй Азіі, паведамілі ў Канцылярыі па справах інтэрнэт-інфармацыі СУАР.
Мабільны кліент Watching быў створаны сумеснымі намаганнямі сіньцзянскай медыякампаніі "Цяньшаньнет", карпарацыі "Алібаба" і медыягрупы SEEС ("Цайсюнь").
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
