23 Верасень, нядзеля

Вы тут

1,2 тыс. га зямлі перадалі лесагаспадарчым прадпрыемствам


Больш як 1,2 тысячы га зямлі было перададзена летась у Нараўлянскім раёне лесагаспадарчым і сельскагаспадарчым прадпрыемствам.

Адкуль такое багацце? Участкі выслабаніліся ў выніку паслядоўнай работы па зносе пустуючых домаўладальніцтваў. Старшыня раённага Савета дэпутатаў Ала Навуменка расказвае, што праблема гэта насамрэч няпростая. Зямельныя ўчасткі, якія не маюць сапраўдных гаспадароў, прыходзяць у заняпад: зарастаюць пустазеллем і кустоўем.


— Запатрабаванасці яны не маюць, бо знаходзяцца ў неперспектыўных населеных пунктах. Але ж за працэдурай зносу кожнага дома стаіць вялікая работа. Перш чым нешта зрабіць з такой закінутай хатай, мы збіраем вялікі пакет дакументаў і перадаём яго для разгляду ў суд. Таму ўсе знесеныя хаты прайшлі праз рашэнне суда.

Ала Навуменка падкрэслівае, што сёння ўсім грамадзянам зразумела: праца па навядзенні парадку на зямлі — гэта не часовая кампанія, не разавая акцыя. Вяртанне зямлі ў гаспадарчы абарот прыводзіць да паляпшэння эканомікі ўсяго раёна. Ды і настрой людзей, якія пражываюць у дагледжаных добраўпарадкаваных населеных пунктах, становіцца больш пазітыўным.

Дадаткова для навядзення санітарнага парадку на зямлі раённым Саветам дэпутатаў сумесна з райвыканкамам аб'яўляюцца і праводзяцца месячнікі і суботнікі па добраўпарадкаванні тэрыторый.

— У выніку сумеснай працы на тэрыторыі горада, сельскіх населеных пунктаў праводзіліся работы па ўстаноўцы новых агароджаў, дэмантажы трухлявых і старых платоў, высечцы дзікарослых хмызнякоў, выдаленні аварыйных дрэў, афарбоўцы агароджаў, усталяванні малых архітэктурных формаў і дзіцячых гульнявых пляцовак, — гаворыць Ала Навуменка.

Вельмі важная роля ў работах па добраўпарадкаванні належыць жыхарам, у тым ліку ў сумесным фінансаванні. У адпаведнасці з Законам «Аб мясцовым кіраванні і самакіраванні» на тэрыторыі сельсаветаў Нараўлянскага раёна быў вызначаны дакладны парадак збору сродкаў па артыкуле самаабкладання. Жыхары не толькі сабралі грошы, але і прымалі актыўны ўдзел у работах па добраўпарадкаванні могілак. Дарэчы, менавіта на гэтыя мэты і былі накіраваны сродкі.

Да таго ж, летась у раёне змаглі вызначыць лёс шасці аварыйных будынкаў, якія не эксплуатаваліся, але знаходзіліся на балансе прадпрыемстваў і арганізацый. Чатыры з іх былі прададзены, а два ўвогуле знесены. Праведзены работы па прывядзенні ў належны санітарны і тэхнічны стан міні-палігонаў цвёрдых камунальных побытавых адходаў.

іost@zvіazda.by

Фота Анатоля КЛЕШЧУКА

Загаловак у газеце: Парадак паляпшае настрой

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.