Міністэрства гандлю, улічваючы інфармацыю, якая паступіла ад праваахоўных органаў, надало пільную ўвагу рабоце аб'ектаў гандлю і грамадскага харчавання Салігорска.
У выніку, як паведамляе прэс-служба міністэрства, устаноўлена, што ў 83 працэнтах аб'ектаў ад колькасці правераных рэалізоўвалася пратэрмінаваная кулінарная і малочная (у тым ліку прызначаная для дзяцей) прадукцыя, каўбасныя, мясныя, хлебабулачныя вырабы і іншае. Больш за тое, кожным з правераных аб'ектаў не захоўваўся зацверджаны абавязковы асартыментны пералік тавараў. Таксама ўстаноўлены факты прадастаўлення недакладнай інфармацыі пра тавар, парушэння парадку афармлення цэннікаў, выкарыстання непаверанага вагавымяральнага абсталявання, падману пакупнікоў. Напрыклад, у міні-кавярні «Лінгандаль» і кавярні «Элнур» недаўкладанні па асобных відах кулінарнай прадукцыі дасягалі 17 працэнтаў.
Па выніках праверак дзейнасць 12 аб'ектаў гандлю і грамадскага харчавання прыпынена, на вінаватых асоб складзены пратаколы аб адміністрацыйных правапарушэннях. Інфармацыя таксама накіравана ў Мінскі аблвыканкам для прыняцця неабходных мер рэагавання.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
