Па маштабе тэкстыльнай прамысловасці Кітай не мае супернікаў у свеце, адзначае інфармагенцтва “Сіньхуа”. На яго долю прыпадае звыш паловы глабальнай прадукцыі, удзельная вага краіны ў гэтай галіне на міжнародным рынку складае больш трэці. Пра гэта паведаміў намеснік старшыні Кітайскай асацыяцыі тэкстыльнай прамысловасці Гаа Юн.
Некаторыя кітайскія вытворцы гатовага адзення паспяхова асвойваюць міжнародны рынак. І ўсё ж, з-за павышэння кошту працоўнай сілы, дэвальвацыі разліковай валюты і іншых фактараў аб'ём экспарту кітайскага тэкстылю па выніках 2015 года зменшыўся на 4,8 проц. і склаў 291,1 млрд. долараў.
Апроч таго, як адзначаюць спецыялісты, айчынная тэкстыльная прамысловасць пакуль не можа цалкам задаволіць спажыўцоў. Некаторыя тэкстыльныя вырабы замежнай вытворчасці каштуюць танней, але адпавядаюць больш высокім стандартам. Таму сярод замежных пакупак кітайцаў пераважаюць адзенне (і іншая тэкстыльная прадукцыя), а таксама абутак. Паводле афіцыйных дадзеных, грамадзяне КНР 2014 годзе выдаткавалі на шопінг за мяжой звыш 500 млрд. юаняў (каля $77 млрд.)
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
