Кітайскія навукоўцы стварылі тэхналогіі, што дазваляюць ачысціць тэхнічную ваду, якая ўтвараецца пры вытворчасці бульбянога крухмалу і скарыстаць яе ў якасці ўгнаення. Распрацоўка адзначана кітайскай прэміяй за інавацыі ў вытворчым ужыванні дасягненняў навукі, паведаміла інфармагенцтва "Сіньхуа".
Над праектам працавалі даследчыкі з Інстытута хімічнай фізікі горада Ланьчжоу Акадэміі навук КНР.Пры перапрацоўцы бульбянога крухмалу ўтвараецца вялікая колькасць тэхнічнай вады, багатай бялкамі. Раней яе проста скідвалі ў вадаёмы, што прыводзіла да значнага забруджання навакольнага асяроддзя, гінула рыба.
"Распрацаванае намі абсталяванне дазваляе дастаць з вады дробныя часцінкі крухмалу, тонкія валокны і харчовыя бялкі. Пасля гэтага ўтрыманне асноўных забруджвальнікаў змяншаецца прыкладна напалову. Аднак згодна са стандартам, што дзейнічае ў краіне, гэтую ваду яшчэ нельга скідваць у вадаёмы, але яе можна ўжываць у якасці ўгнаення", — адзначае Лю Ган, навуковец, які ўзначаліў даследаванні.
Гэта дазваляе зменшыць расходванне гідрарэсурсаў і ўгнаенняў, а таксама павялічыць ураджаі, адзначаюць даследчыкі. Тэхналогія знайшла прымяненне на заводах, што вырабляюць, бульбяны крухмал у гарадах Дзінсі (правінцыя Ганьсу), Гуюань (Нінся-Хуэйскі аўтаномны раён) і Чжанцзякоу (правінцыя Хэбэй).
Укараненне тэхналогіі ў вытворчасць дазваляе прадухіліць штодзённыя выкіды 2700 тон забруджвальных рэчываў і прынесці прадпрыемствам прыбытак у 147 млн. юаняў, адзначаюць навукоўцы.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.