Вы тут

Калі заканадаўства збліжае краіны


У пятніцу, 19 лютага, у Савеце Рэспублікі Нацыянальнага сходу збяруцца эксперты, прадстаўнікі ўлады і наднацыянальнага органа — Еўразійскай эканамічнай камісіі. Падчас пашыранага пасяджэння яго ўдзельнікі абмяркуюць стан уніфікацыі і гарманізацыі нарматыўнага прававога забеспячэння ў саюзе. Мерапрыемства адбываецца ў рамках работы навукова-кансультатыўнага савета па пытаннях сацыяльна-эканамічнага развіцця Рэспублікі Беларусь пры Прэзідыуме Савета Рэспублікі.


Уладзімір СЯНЬКО, старшыня Пастаяннай камісіі Савета Рэспублікі па міжнародных справах і нацыянальнай бяспецы, адзначыў, што мэты, пастаўленыя перад краінамі — удзельніцамі ЕАЭС, маштабныя, але іх выкананне будзе праходзіць паэтапна. «Прайшоў год з часу функцыянавання гэтага дагавора, мы ўсе ацэньваем яго як справу вельмі важную, паколькі, удзельнічаючы ў еўразійскім інтэграцыйным працэсе, Беларусь выступае за больш цеснае і раўнапраўнае супрацоўніцтва з усімі краінамі — удзельніцамі ЕАЭС, каб эканамічныя сувязі ўмацоўваліся».

Пры ўсіх станоўчых рысах у саюзе ёсць і недапрацоўкі. «Мінулы перыяд паказаў, што не ўсё працуе так, як мы намячалі. Пачатак работы ЕАЭС быў звязаны з шэрагам унутраных і знешніх праблем», — лічыць старшыня камісіі. Да іх перш за ўсё можна аднесці зніжэнне цэн на нафту, санкцыі Еўрапейскага саюза ў адносінах да Расіі і, як следства, нестабільнасць валютнага рынку краін ЕАЭС. «Значны блок праблем выкліканы таксама ўступкамі Казахстана пры ўступленні ў СГА і сітуацыяй вакол Украіны», — дадае Уладзімір Сянько.

На думку намесніка міністра эканомікі Беларусі Антона КУДАСАВА, рэсурс нацыянальнага заканадаўства, які часам недаацэньваюць, можа быць стымулам інтэграцыйных працэсаў. «І гэта нягледзячы на тое, што міжнародны дагавор — у нашым выпадку Дагавор аб ЕАЭС — выступае ў большасці выпадкаў своеасаблівым стрыжнем інтэграцыі», — лічыць ён. Прытым эксперт падкрэслівае, што дагавор з'яўляецца не «вынікам працы, а дарожнай картай і пастуліруе стварэнне паўнавартаснага агульнага рынку толькі да 2025 года». Для таго, каб гэтыя працэсы паскорыць, неабходна прымаць адпаведныя палітычныя рашэнні, а для іх варта «дэталёва разабраць сённяшнюю прававую аснову».

У сваю чаргу, намеснік старшыні Пастаяннай камісіі Савета Рэспублікі па эканоміцы, бюджэце і фінансах Аляксандр Мароз адзначыў, што на пасяджэнні асаблівая ўвага будзе нададзена прамысловаму супрацоўніцтву ў Еўразійскім эканамічным саюзе. «Мы перад сабой ставім задачы па імпартазамяшчэнні прамысловых тавараў на агульным рынку, павелічэнні лакалізацыі вытворчасці», — сказаў сенатар.

Мерапрыемства адбудзецца пад кіраўніцтвам старшыні Савета Рэспублікі Міхаіла Мясніковіча. Запланаваны ўдзел першага віцэ-прэм'ера Беларусі Васіля Мацюшэўскага і намесніка кіраўніка Адміністрацыі Прэзідэнта Валерыя Міцкевіча, а таксама міністра ЕЭК Таццяны Валавой. На пасяджэнне завітаюць кіраўнікі міністэрстваў і ведамстваў, а таксама прадстаўнікі навуковых колаў.

pustavit@zviazda.by

Выбар рэдакцыі

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.

Жыллё

Пажылыя людзі не могуць пераехаць з аварыйнага жылля у нармальнае. Чаму?

Пажылыя людзі не могуць пераехаць з аварыйнага жылля у нармальнае. Чаму?

Дом №76 па вул. Валгаградскай у Мінску быў прызнаны аварыйным яшчэ ў нулявых.

Грамадства

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

На VІ Усебеларускім народным сходзе тэме развіцця Мінска на наступныя пяць гадоў было аддадзена шмат увагі.