23 Люты, пятніца

Вы тут

У БДУ распрацавалі медыцынскую ўстаноўку агульнай гіпертэрміі «Пціч-М»


Апарат прызначаны для комплекснага лячэння розных форм анкалагічных захворванняў у спецыялізаваных клініках.


Распрацоўка навукоўцаў БДУ забяспечвае высокачастотны нагрэў, кантроль і падтрыманне тэмпературнага профілю цела пацыента ў працэсе працэдуры. Сутнасць агульнай гіпертэрміі заключаецца ў правядзенні сеансу паступовага нагрэву цела пацыента да крытычных тэмператур — 41-42 С. Дадзеная працэдура праводзіцца пад наглядам спецыялістаў рознага ўрачэбнага профілю, паколькі пацыент знаходзіцца пад агульным наркозам на працягу двух-трох гадзін. Акрамя таго, адначасова з працэдурай гіпертэрміі, пацыент атрымлівае і медыкаментознае лячэнне — курс хіміятэрапіі. Устаноўлена, што такі комплексны падыход у лячэнні анкахворых асабліва эфектыўны, паколькі лекавыя прэпараты пры адначасовым уздзеянні высокіх тэмператур здольныя «забіваць» ракавыя клеткі ў хворага.

Сама ўстаноўка ўяўляе сабой убудаваны і вынесены камп'ютары, якія ўтвараюць двухконтурную апаратна-праграмную кіравальную сістэму. Яна забяспечвае надзейны аўтаматычны і ручны кантроль усіх рэжымаў дзейнасці медыцынскай устаноўкі. Новая распрацоўка таксама забяспечвае бесперапынную індыкацыю важных для медыкаў параметраў.

Як адзначаюць спецыялісты, камп'ютарызаваная медыцынская ўстаноўка агульнай гіпертэрміі «Пціч-М» даволі дарагая, але ў параўнанні з цэнамі на аналагічныя апараты вытворчасці ЗША, яна таннейшая на некалькі парадкаў.

Зараз «Пціч-М» паспяхова эксплуатуецца ў Рэспубліканскім навукова-практычным цэнтры анкалогіі і медыцынскай радыялогіі імя М.М. Аляксандрава.

nіkаlаеvа@zvіаzdа.bу

Загаловак у газеце: Цеплавая «зброя» супраць раку

Дадаць каментар

Выбар рэдакцыі

Палітыка

«Народны абраннік — гэта як рака паміж двума берагамі»

«Народны абраннік — гэта як рака паміж двума берагамі»

Пра асаблівасці дэпутацкай дзейнасці, працу з насельніцтвам і творчы настрой.

Грамадства

У госці да беларусачкі

У госці да беларусачкі

Васьмігадовая мадэль са Жлобіна любіць катацца на цягніку. А ў вольны час лепіць з бабуляй калдуны.

Грамадства

Іван Кірчук: Я 14 гадоў жыў адзін і больш не планаваў ніякай сям'і

Іван Кірчук: Я 14 гадоў жыў адзін і больш не планаваў ніякай сям'і

«Вой, Іван Іванавіч, а дзе ваша барада?» Само сабой вырвалася ў мяне гэтае пытанне, калі адчыніла дзверы ў этналабараторыю і ўбачыла лідара гурта «Этна-трыа «Троіца»...

Грамадства

Вандроўка ў Беніцу

Вандроўка ў Беніцу

Дзе знаходзіцца касцёл пачатку ХVІІІ стагоддзя.