У Беларускім дзяржаўным універсітэце будуць рыхтаваць спецыялістаў па біяінфарматыцы. На факультэце радыёфізікі і камп'ютарных тэхналогій БДУ ў рамках спецыяльнасці «Прыкладная інфарматыка» адкрываецца спецыялізацыя «Біяінфарматыка». Набор на яе будзе ажыццяўляцца з ліку студэнтаў-трэцякурснікаў, якія навучаюцца па спецыяльнасці «Прыкладная інфарматыка».
У Беларусі падрыхтоўка спецыялістаў у галіне біяінфармацыйных тэхналогій да гэтага часу не ажыццяўлялася. Неабходнасць адкрыцця новай спецыялізацыі абумоўлена развіццём навуковых даследаванняў у нашай краіне ў галіне расшыфроўкі ДНК для дыягностыкі і лячэння розных захворванняў. Таму з'явілася патрэба ў кваліфікаваных спецыялістах-даследчыках, якія валодаюць камп'ютарнымі тэхналогіямі, метадамі біяінфарматыкі і інтэлектуальнага аналізу генетычных дадзеных, а таксама ўмеюць распрацоўваць і ўкараняць новыя біяінфармацыйныя тэхналогіі для сучаснай біямедыцынскай тэхнікі.
Біяінфарматыка, як новы навуковы кірунак, носіць міждысцыплінарны характар. Таму вучэбная праграма ўключае інтэлектуальны аналіз звестак, біяінфарматыку, аналіз біямедыцынскіх малюнкаў, праграмаванне баз звестак і сістэм апрацоўкі інфармацыі, мадэляванне біяфізічных сістэм і іншыя дысцыпліны.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».