Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» падводзiм вынiкi Кубка свету па фрыстайле, падлiчваем медалi беларускiх самбiстаў i барцоў, а таксама сочым за выступленнем айчынных гандбольных клубаў на мiжнародных турнiрах.


1. У Раўбiчах прайшоў заключны, шосты этап Кубка свету па фрыстайле. На родным схiле беларусы заваявалi два медалi. У спаборнiцтвах у мужчын Максiм Гусцiк стаў другiм, апярэдзiць яго змог толькi амерыканец Крыстафер Лiлiс.

— Прыемна апынуцца ў прызёрах на радзiме, дзе шмат трэнiраваўся, але раней не выйграваў медалёў. Я рызыкаваў, павялiчваў складанасць скачкоў, бо неабходна было падняцца вышэй у вынiковым пратаколе, каб патрапiць у прызёры агульнага залiку Кубка свету, — распавёў пасля выступлення Максiм.

У жанчын наша суайчыннiца Аляксандра Раманоўская паднялася на трэцюю прыступку п'едэстала, перамогу сярод прадстаўнiц прыгожага полу святкавала амерыканка Эшлi Колдуэл. За крок ад узнагарод спынiлася яшчэ адна беларуска — Ганна Гуськова, з вынiкам 75,11 бала яна стала чацвёртай.

Пасля завяршэння праграмы спаборнiцтваў, былi вызначаны пераможцы агульнага залiку Кубка свету. Лепшым сярод мужчын стаў Аляксандр Абраменка з Украiны — 310 ачкоў, Максiм Гусцiк размясцiўся на другой пазiцыi — 276 балаў. У жанчын Хрустальны глобус па вынiках сезона дастаўся Эшлi Колдуэл з ЗША — 409 ачкоў, Аляксандра Раманоўская толькi на дзявятым месцы — 206 ачкоў, Ганна Гуськова на 11-м радку — 190 балаў.

2. Больш за 200 спартсменаў прынялi ўдзел у юбiлейным 20-м мiжнародным турнiры катэгорыi А па самба «Адкрыты чэмпiянат Рэспублiкi Беларусь па самба на прызы Прэзiдэнта Беларусi». Нашы зборныя выступiлi на турнiры ў аптымальным складзе i заваявалi 28 медалёў. Залатыя ўзнагароды на рахунку Ваэ Тухталян (62 кг), Сцяпана Папова (74 кг), Юрыя Рыбака (суперцяж), Таццяны Мацко (64 кг), Лейлы Абасавай (48 кг), Крысцiны Казан (56 кг), Вольгi Намазавай (72 кг), Вольгi Шынкевiч (+80 кг), Марыны Жарскай (52 кг) i Андрэя Казусёнка (да 100 кг). Акрамя гэтага на рахунку беларусаў дзевяць сярэбраных узнагарод i сем бронзавых.

3. У мiнскiм Палацы спорту ў мiнулыя выхадныя завяршыўся 46-ы мiжнародны турнiр па барацьбе Гран-пры на прызы трохразовага алiмпiйскага чэмпiёна Аляксандра Мядзведзя. Беларускiя спартсмены на турнiры выйгралi 13 медалёў. Акрамя гэтага, спаборнiцтвы ў Мiнску сталi для нашых барцоў праверкай сiл перад чэмпiянатам Еўропы ў Рызе, якi пройдзе з 8 па 13 сакавiка, а затым стартуюць лiцэнзiйныя турнiры, на якiх будуць разыграны пуцёўкi на Алiмпiяду ў Бразiлiю.

4. Гандбалiсты мiнскага СКА пацярпелi паражэнне ў другой гульнi групавога этапу Кубка ЕГФ. У гасцявым матчы падапечныя Спартака Мiрановiча сустракалiся з французскiм «Сэн-Рафаэлем», правялi вельмi напружаную гульню, але перамогу вырваць так i не змаглi — 31:29. 27 лютага армейцы правядуць наступны паядынак у групе з дацкiм «Б'ерынгбро».

Тым часам брэсцкi гандбольны клуб iмя Мяшкова абыграў на выездзе сербскi «Спартак» з Субоцiцы i гарантаваў сабе месца ў «фiнале чатырох» SEHA-лiгi. У квартэт наймацнейшых таксама трапiлi венгерскi «Веспрэм», македонскi «Вардар» i харвацкi «Заграб».

lobazhevich@zviazda.by

Загаловак у газеце: Даляцелi да прызоў

Выбар рэдакцыі

Грамадства

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Ён кожны дзень імкнуўся пераадольваць не менш за сто кіламетраў.

Грамадства

Як «Звязда» парушальнікаў адпачынку з міліцыяй шукала

Як «Звязда» парушальнікаў адпачынку з міліцыяй шукала

Апошнімі цёплымі дзянькамі многія мінчане стараюцца скарыстацца напоўніцу і па магчымасці адпачыць на прыродзе, хай сабе і ў межах горада.

Культура

Спявак Аляксандр Гелах: Як толькі паступіў, пачаў шукаць работу

Спявак Аляксандр Гелах: Як толькі паступіў, пачаў шукаць работу

Малады тэнар, які прыйшоў у Нацыянальны акадэмічны Вялікі тэатр Беларусі ў 2015-м, звярнуў на сябе ўвагу аматараў оперы адразу.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Танцуй... Пакуль не замужам?