Вы тут

Казіно «ўляцела» на падаткі


З першых дзён студзеня нормамі артыкула 309-га асаблівай часткі Падатковага кодэкса Беларусі вызначаюцца новыя стаўкі падатку на ігральны бізнес, паведамілі карэспандэнту «Звязды» ў інспекцыі Міністэрства па падатках і зборах па горадзе Мінску.


Заўважу, што ў ігральным бізнесе на кожны аб'ект існуе свая асобная падатковая стаўка. Так, самая маленькая сума падатку ў памеры 2,4 млн рублёў за месяц вызначана для ігральнага аўтамата. Крыху больш за 6,5 млн рублёў у месяц будзе абыходзіцца арганізатарам каса букмекерскай канторы, а каса таталізатара — 13 млн рублёў. Больш за астатніх у казіно «важыць» ігральны стол, за які ў месяц неабхона будзе пералічыць у бюджэт ажно 63 млн 418 тысяч рублёў падаткаў. Але і гэта яшчэ не ўсе выдаткі для арганізатараў розных рулетак.

Цяпер неабходна будзе заплаціць падатак на ігральны бізнес па дадатнай розніцы паміж сумай прынятых ставак у азартных гульнях і сумай выплачаных выйгрышаў. А стаўка такога падатку складае 4%. А яшчэ спецыялісты гарадской падатковай службы паведамляюць, што сёлета ўладальнікі казіно (юрасобы) павінны падаваць у мясцовую інспекцыю падатковую дэкларацыю за мінулы месяц па падатку на ігральны бізнес не пазней за 20-е чысло гэтага месяца. А аплаціць такія падаткі неабходна ўжо да 22-га.

Увогуле, у сістэме аплаты падаткаў на ігральны бізнес з недысцыплінаванымі кліентамі размова атрымліваецца даволі кароткай і жорсткай. Згодна з палажэннем аб ліцэнзаванні асобных відаў дзейнасці, якое зацверджана Указам кіраўніка дзяржавы ад 1 верасня 2010 года № 450, своечасовая аплата падатку на ігральны бізнес лічыцца ліцэнзійным патрабаваннем і ўмовай, якая прад'яўляецца да ліцэнзіята. Пры гэтым няплата (няпоўная аплата) падатку на ігральны бізнес на працягу 2 месяцаў запар з'яўляецца падставай для прыняцця рашэння аб спыненні дзеяння ліцэнзіі. Тут пазіцыя дзяржавы да казіно цалкам зразумелая: як толькі нехта забывае аплаціць падаткі, то ён адразу губляе ліцэнзію.

kurkасh@zvіаzdа.bу

Выбар рэдакцыі

Грамадства

Чым жыве найлепшая маладая сям'я штурмавой авіяцыйнай базы ў Лідзе

Чым жыве найлепшая маладая сям'я штурмавой авіяцыйнай базы ў Лідзе

Абодва яны спяваюць, пішуць вершы пра сваю сям'ю і іграюць на музычных інструментах.

Грамадства

Франтавы повар аб тым, чым кармілі чырвонаармейцаў

Франтавы повар аб тым, чым кармілі чырвонаармейцаў

Разам з карэспандэнтам «Звязды» ветэран Вялікай Айчыннай вайны франтавы повар Ганна Воранава ўспомніла пра самыя шчаслівыя і самыя горкія моманты жыцця.

Эканоміка

Як зберагчы ўласныя фінансы ў падарожжы

Як зберагчы ўласныя фінансы ў падарожжы

Неад'емным аксесуарам вандроўкі сёння з'яўляецца плацежная картка.

Грамадства

Ці лёгка быць маладым дырэктарам школы?

Ці лёгка быць маладым дырэктарам школы?

Поспех установы адукацыі — заслуга педкалектыву, а няўдача — памылка яе кіраўніка.