Вы тут

Кватэры здаюць амаль 60 тысяч мінчан


А падатковыя стаўкі на даходы ад арэнды для іх плануюць павялічыць на 15%.


Пра гэта паведаміў намеснік начальніка аддзела падаткаабкладання фізічных асоб інспекцыі Міністэрства па падатках і зборах па горадзе Мінску Дзмітрый Плеўскі.

У прыватнасці ён адзначыў, што на гэты конт цяпер рыхтуецца адпаведнае рашэнне Мінгарсавета. Удакладню, што гаворка ідзе аб павелічэнні ставак падатку ў фіксаваных сумах на даходы ад здачы кватэры ў доўгатэрміновую арэнду.

А пакуль уласнікі некалькіх кватэр плацяць штомесяц за кожны пакой свайго даходнага жылля ад 140 тысяч да 240 тысяч рублёў у адпаведнасці з эканоміка-планіровачнай зонай прапіскі сваёй нерухомасці. А яшчэ ў падатковай адзначылі, што ў апошні час колькасць зарэгістраваных кватэраздатчыкаў у сталіцы павялічваецца. Па стане на 1 студзеня 2016 года на ўліку ў інспекцыях Мінска ў якасці кватэраздатчыкаў было зафіксавана 59,5 тысячы такіх уласнікаў. Год таму падобных плацельшчыкаў было амаль на 7 тысяч чалавек менш. Спецыялісты падлічылі, што летась ад гэтай дзейнасці ў бюджэт сталіцы паступіла 103,5 млрд рублёў.

Акрамя таго, у мэрыі плануюць, што ўжо гэтай вясной будуць павялічаны падатковыя стаўкі і для тых, хто здае сваё жыллё на суткі. Па гэтай катэгорыі дзейнасці ўласнік жылля павінен спачатку зарэгістравацца ў якасці індывідуальнага прадпрымальніка і аплачваць ужо адзіны падатак. Для кватэр, дзе пакояў не больш за два, стаўка складае 900 тысяч рублёў, а для больш прасторных кватэр падатак складае 1,8 млн рублёў у месяц.

kurkасh@zvіаzdа.bу

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.