У Беларускім дзяржаўным універсітэце распрацаваны і асвоены дробнасерыйны выпуск рэгістратараў параметраў руху ліфтавага пад'ёмнага абсталявання У-590 «Палтус».
Інавацыя выканана спецыялістамі навукова-даследчай лабараторыі інфармацыйна-вымяральных сістэм факультэта радыёфізікі і камп'ютарных тэхналогій.
Створаны партатыўны апарат прызначаны для правядзення аператыўнай ацэнкі стану і тэхнічнага агляду пад'ёмных механізмаў. Гаворка ідзе пра бяспечную эксплуатацыю пасажырскіх і грузавых ліфтаў, пад'ёмнікаў, будаўнічых кранаў, эскалатараў і іншага абсталявання.
На прыборы размешчаны індыкатар, клавіятура, аўтаномнае сілкаванне і магнітныя трымальнікі, якія дазваляюць вымераць, зафіксаваць вібрапаскарэнне, вібрахуткасць і лінейную хуткасць аб'ектаў, якія рухаюцца. Дэталёвы аналіз зарэгістраваных звестак перадаецца карыстальніку праз камп'ютар. Да яго прыбор можа быць падключаны праз інтэрфейс USB. Першасная апрацоўка вымяральных даных і адлюстраванне вынікаў на ўбудаваным экране дазваляюць аператыўна ацэньваць тэхнічны стан пад'ёмнага механізму.
На сённяшні дзень у БДУ выраблена сем прыбораў, якія пастаўлены на прадпрыемствы «Магілёўліфтмаш», «Белліфт» і ў дэпартамент па наглядзе ў прамысловасці МНС Беларусі.
З усіх куточкаў Беларусі.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
