15 студзеня, пятніца

Вы тут

У замку Радзівілаў, або Гісторыя вечнага кахання


Містычныя гісторыі і таямніцы... Яны прыцягваюць нас і праз стагоддзі. Цікавыя мясцовыя легенды можна пачуць у кожным рэгіёне. Напрыклад, пра Радзівілаў — вялікі беларускі княжацкі род — гісторый сабралася столькі, што з'явіўся нават цэлы мюзікл «У замку Радзівілаў, або Гісторыя вечнага кахання». Я пагутарыла пра яго з адным са стваральнікаў — сцэнарыстам і рэжысёрам Таццянай Міхайлаўнай СІНКЕВІЧ.


Аў­та­ры і вы­ка­наў­цы мю­зік­ла пас­ля прэм'­е­ры.

Мюзікл складаецца з дзвюх частак. У першай распавядаецца пра гісторыю кахання Барбары Радзівіл і Жыгімонта Аўгуста — караля Польшчы і ВКЛ. Як мы ведаем, Барбара была атручаная. Існуе легенда, што Чорная дама (яна ж Барбара) дагэтуль ходзіць па Нясвіжскім замку ў пошуку вечнага спакою. Далей галоўныя героі спускаюцца на зямлю, дзе адбудзецца баль кахання. На яго запрошаны не толькі Барбара і Жыгімонт, але і іншыя вядомыя гістарычныя пары: Рамэа і Джульета, Арфей і Эўрыдыка, Дон Кіхот і Дульсінея.

А потым мы трапляем у сучасны свет... У адным з тэатраў сустракаюцца маладыя таленавітыя акцёры, якія выконваюць ролю закаханых, але мы даведаемся аб іх любоўнай сувязі і ў рэальным жыцці.

— Ідэя мюзікла стала блізкай шмат якім оперным спевакам, думаю, менавіта таму акцёрскі склад быў такім моцным: Уладзімір Громаў (заслужаны артыст Рэспублікі Беларусь), Таццяна Гаўрылава («зорка» опернага тэатра), Вольга Сотнікава (лаўрэатка міжнародных прэмій). Упершыню ён быў паказаны на сцэне Вялікай залы філармоніі і выклікаў сапраўдны фурор!

— Як вы думаеце, чаму мюзікл так захапіў акцёраў?

— Мне падаецца, што з-за сюжэта і выдатнай музыкі Ганны Казловай. Яна з роду Глінкі! Працуе ў розных жанрах. Эксперты ў галіне музыкі, якія рэгулярна наведваюць канцэрты Ганны Маратаўны, кажуць: «Прафесіяналка! Беларускі Чайкоўскі!»

Рэпетыцыі перад прэм'ерай праходзілі, дзе толькі магчыма: і дома ў Ганны Казловай, і дома ў акцёраў, і ўдзень, і ўначы... Мы працавалі на такім энтузіязме! Я ганаруся, што мне з Ганнай Маратаўнай удалося стварыць якасны айчынны мюзікл.

— Што змянілася за чатыры гады?

— Склад акцёраў, задзейнічаных у мюзікле, памяняўся на 70 працэнтаў. З мінулага года ў нас на праекце змяніўся рэжысёр — ім стаў Ігар Пятроў з тэатра Янкі Купалы. Кожны чалавек прыўносіць нешта новае! Вось і паглядзім, што атрымаецца сёлета. Нас запрашаюць выступаць на розных пляцоўках Мінска кожны год. Спадзяюся, што новая сустрэча з творам не расчаруе!

— Скажыце пра самае галоўнае, што вы хацелі данесці да гледача.

— Сённяшняе разуменне кахання зусім іншае: цяпер ніхто не хоча ахвяраваць сабой дзеля сваёй палавінкі, ісці на ўступкі, здзяйсняць подзвігі! Вось пра гэта і спектакль: як трансфармуецца каханне... Ці такое ж яно, як было тады? Хутчэй за ўсё, не, але нешта галоўнае, тое, што мы называем гэтым словам, застаецца і захоўваецца і праз стагоддзі. Глядзіце на каханне сур'ёзней! Гэта далікатнае трапяткое пачуццё. Чытайце кнігі, бо менавіта адтуль мы і павінны браць прыклад!

Арына АРЛОВА, вучаніца 10 класа гімназіі №3 г. Мінска

Загаловак у газеце: Баль кахання, або Гісторыя вечнага пачуцця

Выбар рэдакцыі

Грамадства

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Што рабіць, калі нечакана маці або бацька сталі вельмі настойліва заяўляць пра сябе?

Культура

Слухаць сняжынкі, сачыць за ростам травы. Янка Сіпакоў не любіў тусовак  і лічыў адзіным багаццем кнігі

Слухаць сняжынкі, сачыць за ростам травы. Янка Сіпакоў не любіў тусовак і лічыў адзіным багаццем кнігі

Вось ужо дзесяць гадоў, як пісьменнік Янка Сіпакоў застаўся ў сваіх кнігах — і тых, што падарыў, а найперш, у тых, што напісаў... А споўнілася б яму сёння 85 гадоў.

Грамадства

Як прайсці тэхагляд ва ўмовах ажыятажу?

Як прайсці тэхагляд ва ўмовах ажыятажу?

«Ахвотных настолькі многа, што скончыліся бланкі».