Наша дзяржава заўсёды аддавала прыярытэт супрацоўніцтву з Германіяй — калі казаць пра еўрапейскі рэгіён. На гэта звярнуў увагу старшыня Палаты прадстаўнікоў Уладзімір Андрэйчанка падчас размовы з Надзвычайным і Паўнамоцным Паслом Германіі ў нашай краіне Петэрам Дэтмарам.
— Нашы стасункі з Германіяй вельмі дынамічна развіваліся ў 1990-х гадах, — узгадаў Уладзімір Андрэйчанка на пачатку сустрэчы. — У нас былі вельмі частыя паездкі ў Германію: праводзіліся выставы, кірмашы, канферэнцыі. На жаль, быў спад у гэтых адносінах. Сёння мы хочам адзначыць, што перыяд нейкага ўзаемнага недаверу ўсё ж адыходзіць у мінулае. Гэта, натуральна, радуе.
Па словах спікера, у Беларусі і Германіі цяпер ёсць новыя магчымасці для актывізацыі супрацоўніцтва.
— Менавіта Берлін фактычна ўзяў на сябе ролю лакаматыва ў пытанні адмены Еўрасаюзам санкцый у дачыненні да Беларусі, — адзначыў старшыня Палаты прадстаўнікоў. — Мы ўдзячны вашай краіне, яе кіраўніцтву за тую канструктыўную, паслядоўную пазіцыю, якую яна заняла ў гэтым пытанні.
Уладзімір Андрэйчанка бачыць добрыя перспектывы для супрацоўніцтва, абмену вопытам у такіх кірунках, як мясцовае самакіраванне, якое вельмі добра развіта ў Германіі; абмеркаванне актуальных пытанняў міжнароднага парадку дня, узаемадзеянне паміж міністэрствамі і ведамствамі.
Што да гандлёва-эканамічнага супрацоўніцтва, то па выніках мінулага года таваразварот склаў амаль 2,5 мільярда долараў. У той жа час спікер звярнуў увагу, што ў 2013 годзе гэтая лічба складала 4,8 мільярда.
— Працаваць ёсць над чым у гэтым плане, — упэўнены старшыня Палаты прадстаўнікоў.
У той жа час у нашай краіне сёння працуе 361 прадпрыемства з германскімі інвестыцыямі.
— Мы зацікаўлены, каб германскія інвестары прыходзілі ў тыя галіны, у якіх яны ўжо заслужылі прызнанне ў свеце. Асабліва ў такія сферы, як машынабудаванне, хімія, нафтахімія, энергетыка, сфера высокіх тэхналогій... Натуральна, нам трэба больш наладжваць супрацоўніцтва і ў гуманітарнай сферы, сферах адукацыі, культуры, у развіцці адносін паміж нашымі гарадамі-пабрацімамі — наколькі мне вядома, у нас цяпер 20 пар такіх пабрацімскіх гарадоў.
Пасол Германіі Петэр Дэтмар пагадзіўся, што патэнцыял у сферы гандлёва-эканамічнага супрацоўніцтва выкарыстоўваецца не да канца. Тут ён мае досвед: нямецкі дыпламат працаваў у нашай краіне з 2009 па 2013 год у якасці саветніка-пасланніка, намесніка кіраўніка Пасольства Германіі ў Мінску. У верасні мінулага года пачалася яго ўласная дыпламатычная місія ў нашай дзяржаве.
— Мы знаходзімся на новым этапе двухбаковых адносін, — заявіў ён. — Натуральна, мы пачынаем не з нуля, паколькі на працягу 25 гадоў развівалася актыўнае супрацоўніцтва ў галіне культуры, эканомікі, а гэта з'яўляецца добрай асновай для развіцця патэнцыялу.
На думку нямецкага дыпламата, сёння актуальна паглыбленне эканамічнага супрацоўніцтва, якое, на яго думку, можа мець розныя формы.
Фота БЕЛТА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.