У Смалявіцкім раёне, каля вёскі Юр'ева, мясцовая паляўнічая гаспадарка арганізавала ўнікальнае паляванне — на выпускнога фазана. Ахвотнікаў папаляваць у міжсезонне, ды яшчэ і на рэдкую птушку, аказалася нямала: ва ўгоддзях сабралася каля паўсотні чалавек.
— Здабыча выгадаваных у вальерах фазанаў, згодна з Правіламі вядзення паляўнічай гаспадаркі і палявання, можа праводзіцца цэлы год пры ўмове, што пра час і месца такога палявання арганізатар загадзя апавяшчае Дзяржінспекцыю. Гэтым разам за выкананнем правілаў назіралі супрацоўнікі Мінскай міжраённай і абласной інспекцый. Перад пачаткам палявання яны яшчэ раз нагадалі яе ўдзельнікам аб бяспецы, — расказала прэс-сакратар Дзяржінспекцыі Вольга Грамовіч.
З выпушчаных ва ўгоддзі 165 птушак паляўнічым атрымалася здабыць 120 асобін, многія з якіх пасля стануць зайздроснымі трафеямі. У цэлым паляванне на фазана не вельмі адрозніваецца ад іншых відаў палявання на птушак. Для яе неабходны хуткі і вынослівы сабака, які прымусіць птушку падняцца ў паветра, а потым падбярэ здабытую дзічыну.
Дарэчы
Традыцыя палявання на паўвольную птушку — родам з сярэднявечнай Англіі. Спецыялісты сцвярджаюць, што сёння такая форма палявання здымае прэсінг, што аказваецца на дзікую прыроду. У большасці еўрапейскіх краін фазан вельмі паспяхова разводзіцца ў штучных умовах для патрэб паляўнічых гаспадарак.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
