Вы тут

Помніць і шанаваць


Міністр унутраных спраў Ігар Шуневіч у Дзень беларускай міліцыі ўсклаў кветкі да манумента супрацоўнікаў унутраных спраў і вайскоўцаў МУС, якія загінулі пры выкананні службовых абавязкаў.


Гэтай прахалоднай сакавіцкай раніцай, па-над Свіслаччу, непадалёк ад будынка міністэрства абароны, сабралася шмат людзей. Афіцэраў, курсантаў, ветэранаў… Многія прыйшлі з кветкамі, каб аддаць пашану тым, хто шчыра служыў закону і ў мірны час, на жаль, загінуў ад рук злачынцаў.

— Служба ў органах унутраных спраў заўжды прадугледжвала наяўнасць такіх чалавечых якасцяў, як самаадданасць, храбрасць, адвага, — звярнуўся да прысутных міністр унутраных спраў. — І нашы калегі імі валодалі. Безумоўна, яны не ведалі, чым скончыцца іх апошні дзень, але ў цяжкую хвіліну яны зрабілі крок насустрач злу, не задумваючыся выканалі свой абавязак.

— Святочныя мерапрыемствы ў Дзень беларускай міліцыі кожны год пачынаюцца з успаміна пра тых, хто цаной свайго жыцця абараніў нашых грамадзян. І для нас, дзеючых супрацоўнікаў міліцыі, яны заўжды застаюцца ў сэрцах. З’яўляюцца прыкладам самаахвярнага служэння радзіме, — сказаў журналістам Аляксандр Кобрусеў, намеснік міністра ўнутраных спраў.

Як прызнаўся Аляксандр Аркадзьевіч, сёлета ў святкванні прафесійнага свята калегі з замежных краін не ўдзельнічаюць, аднак іх чакаюць у наступным годзе, калі наша міліцыя адзначыць 100-гадовы юбілей. У міністэрстве рыхтуюцца годна адзначыць гэтую дату. Ідзе рэстаўрацыя музея. Пра нашых міліцыянераў ужо пачалі здымаць мастацкі фільм, свет пабачыць і двухтомнае навукова-папулярнае выданне. У Мінску таксама плануюць устанавіць помнік гарадавому. Акрамя таго запланавы шэраг мерапрыемстваў, якія пачнуюць рэалізоўваць ужо гэтым летам.

Фота Сяргея НІКАНОВІЧА

Выбар рэдакцыі

Эканоміка

Як наладзіць бізнес у невялікім райцэнтры, дзе няма чыгункі

Як наладзіць бізнес у невялікім райцэнтры, дзе няма чыгункі

Уздзенскі касцёл, які пабудавалі ў канцы ХVІІІ стагоддзя, мясцовыя ўлады не адзін раз спрабавалі прадаць праз электронны аўкцыён, але ахвотных аднавіць помнік архітэктуры не знаходзілася. 

Спорт

«Дзясятае месца — гэта наша памылка». Беларускія гандбалісты не выйшлі ў алімпійскі кваліфікацыйны турнір

«Дзясятае месца — гэта наша памылка». Беларускія гандбалісты не выйшлі ў алімпійскі кваліфікацыйны турнір

У заключным матчы ЧЕ па гандболе зборная Беларусі згуляла ўнічыю з камандай Аўстрыі — 36:36