23 Верасень, нядзеля

Вы тут

На выставе ў Мінску можна ўбачыць лялькі з 47 краін свету


Больш за 50 лялек з 47 краін прадстаўлены на выставе "Жанчыны свету ў нацыянальнай вопратцы", якая зараз праходзіць у Беларускім дзяржаўным універсітэце.


У экспазіцыю ўвайшлі лялькі з асабістых калекцый супрацоўніц БДУ, а таксама прадастаўленыя Інфармацыйным цэнтрам японскай культуры ў Мінску.

- Гэтую калекцыю я збіраю ўжо больш за 15 гадоў, - распавяла аўтар экспазіцыі, старшыня грамадскага аб'яднання "Саюз жанчын БДУ" Ірына Казакова. - Я вельмі люблю падарожнічаць і з кожнай краіны, у якой я пабыла, прыводжу лялькі. Ды і сябры, ведаючы пра такі мой запал, прывозяць мне з усяго свету лялькі. Усе яны менавіта ў нацыянальных строях.

Для наведвальнікаў выставы прадугледжана адукацыйная праграма. Госці даведаюцца пра ролю лялькі ў гісторыі чалавецтва, аб асаблівасцях нацыянальнага касцюма той ці іншай краіны. Жадаючыя могуць прайсці майстар-клас па вырабе лялькі-абярэга "Жаданніца". Для гэтага неабходна прынесці шматкі чырвонай або стракатай тканіны і ваўняныя яркія ніткі.

Выстава працуе да 11 сакавіка. Уваход бясплатны.

Фота Марыі Войцік


Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.