— Куды ідзеш? — пытаецца трохгадовы Даня (у гэты час хварэў).
— Збіраюся на працу з'ездзіць ненадоўга.
— А мяне куды дзенеш?
***
— Дай чаго-небудзь салодкага, — просіць сын.
— Што хочаш? Торт?
— Не, крэму адрэж.
***
Мой Даня ўжо трохі хітруе. Спачатку кажа:
— Мамачка, ты такая прыгожая! — а праз хвіліну:
— Дай цукерку!
***
— Мы з табой мужчыны, — кажа бацька Даню.
— Я не мужчына, я хлопец, — паправіў яго сын.
***
Даня з дзядулем выбіраюць у краме прысмакі:
— Які пачак будзем браць, вялікі ці малы? — пытаецца дзядуля.
— Вялікі! Мама ўсё роўна патрошку дае.
***
— Што маме будзем дарыць? — пытаецца тата ў сына.
— Ты прыдумай, а я павіншую! — знайшоўся малы.
***
Адчыніла верхнія дзверцы ў шафе. Сын убачыў:
— Ого! Колькі ўсяго ад мяне схавала!
***
Дзядуля накупляў Даню цэлую сумку прысмакаў.
— Навошта столькі? — пытаецца бабуля.
— Гэта дзіцячая ежа, — растлумачыў Даня.
***
Робім пакупкі. Даня паклаў у кошык міску для сабакі.
— Навошта? — пытаюся, — у нас жа сабакі няма.
— Купім!
— Навошта?
— Дом ахоўваць.
Аказваецца сын чуў, як мы з мужам марылі пра загарадны дом.
***
Даня ўбачыў у краме надзіманы басейн.
— Хачу басейн, — просіць дома.
— А дзе ўзяць? — пытаюся.
— Купіць.
— А за што?
— За добрыя паводзіны!
***
Сын доўга назірае, як птушкі кружаць каля гнязда, лётаюць туды-сюды.
— А куды яны лётаюць?
— Шукаюць ежу для птушанят, збіраюць чарвячкоў.
— Як дзед Вова?
(Наш дзядуля часта купляў унуку жэлацінавых чарвячкоў і жартаваў, што назбіраў іх па дарозе.)
***
Робім у вёсцы рамонт. Паклеілі шпалеры.
— Трэба было б яшчэ падлогу пафарбаваць, — кажа бабуля.
— Як жа мы хадзіць будзем? — здзівіўся Даня.
***
Доктар раіць паіць сына казіным малаком.
— У маёй Светы (бабуля) толькі карова ёсць, — удакладніў малы.
Занатавала Яна ЛЫЧКОЎСКАЯ
А пра што гавораць вашы дзеці?
Дасылайце свае гісторыі
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.