У гэтым упэўнены міністр адукацыі Міхаіл Жураўкоў.
«Папулярнасць журналістыкі як прафесіі вельмі высокая. У той жа час адказнасць журналіста ўзрасла неймаверна. Значэнне мае кожнае слова, асабліва ў сувязі са з'яўленнем электронных СМІ. Вельмі крыўдна, калі журналісты пішуць аб адукацыі ў негатыўным ключы, спрабуюць адшукваць выключна негатыўныя з'явы, — падкрэсліў Міхаіл Жураўкоў падчас брыфінгу, арганізаванага ў рамках «Зімовай школы студэнцкай журналістыкі». — Усе ж былі вучнямі і студэнтамі. І няўжо ва ўсіх былі толькі дрэнныя выкладчыкі і жудасныя ўрокі?»
Міністр адукацыі заклікаў будучых журналістаў бачыць і пазітыўныя моманты і больш актыўна пра іх казаць: «Мне здаецца, што кожны журналіст павінен вызначыць свой уласны ўнутраны маральны кодэкс, каб было не сорамна глядзець у вочы чалавеку, калі з ім сустрэнешся іншым разам».
Міхаіл Жураўкоў таксама пракаментаваў пытанне размеркавання выпускнікоў 2017 года. Паводле яго слоў, створана працоўная група, куды ўвайшлі прадстаўнікі Міністэрства адукацыі, Міністэрства працы і сацыяльнай абароны, Міністэрства эканомікі. Ужо цяпер вядзецца работа з наймальнікамі, каб усіх выпускнікоў забяспечыць першым працоўным месцам.
Першы намеснік міністра інфармацыі Ігар ЛУЦКІ, які таксама прыняў удзел у брыфінгу, засяродзіў увагу на тым, што ўмовы, у якіх працуюць сучасныя журналісты, патрабуюць ад іх самага высокага прафесіяналізму: «Роля інфармацыі ў грамадстве сур'ёзна ўзрасла. Выкарыстанне сучасных тэхналогій дазваляе максімальна хутка і аператыўна даносіць яе да спажыўца: праз электронныя рэсурсы і сацыяльныя сеткі. У той жа час роля прафесійнай журналістыкі застаецца і заўсёды будзе важная».
Ігар Луцкі паведаміў, што Міністэрства інфармацыі выступае за з'яўленне новых маладзёжных праектаў на тэлебачанні. Крэатыўныя праекты, на яго думку, дазволяць павялічыць долю нацыянальнага кантэнту і пашырыць колькасць праграм уласнай вытворчасці.
У сваю чаргу Міністэрства адукацыі падпісала з Белтэлерадыёкампаніяй пагадненне аб супрацоўніцтве. Галоўнае адукацыйнае ведамства стала партнёрам трох вялікіх праектаў. Адна з новых праграм — тэлевізійная адукацыйна-забаўляльная квэст-гульня для дзяцей малодшага і сярэдняга школьнага ўзросту. Яшчэ адна праграма ў лёгкай і даступнай форме будзе распавядаць пра адкрыцці, маладзёжную навуку і дасягненні беларускіх вучоных. Плануецца таксама, што Міністэрства адукацыі акажа падтрымку праграме «Размаўляем па-беларуску», якая ўжо выходзіць на тэлебачанні. Удзельнікі віктарыны адказваюць на пытанні на веданне беларускай мовы, літаратуры, этнаграфіі і мастацтва.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
