27 кастрычніка, аўторак

Zамор'е


Святочны ўздым

У правінцыі Гуандун на поўдні Кітая група мужчын апранулі сукенкі і туфлі на абцасах, каб забрацца на гару ў гонар 8 Сакавіка, паведамляе People's Daіly.


У рамках святкавання мужчыны хацелі памяняцца ролямі са сваімі жонкамі і адчуць складанасці, з якімі сутыкаюцца сучасныя жанчыны. За ўдзельнікамі назіралі прахожыя і турысты, таму мужчынам даводзілася ўсміхацца падчас узыходжання па лесвіцы. Каб вярнуцца назад, некаторым прыйшлося зняць нязвыклы абутак.

У 2016 годзе мерапрыемствы ў гонар свят у Кітаі не ўпершыню прыцягваюць увагу сусветных СМІ. Так, 14 лютага стала вядома, што ў правінцыі Чжэцзян пенсіянер, які вырашыў павіншаваць жонку з Днём святога Валянціна, арандаваў шматпавярховы гатэль, каб з дапамогай уключанага ў нумарах святла адлюстраваць прызнанне ў каханні.

Шкода ад лап

У рамках конкурсу Brіtaіn's Naughtіest Pet («Самы непаслухмяны гадаванец Вялікабрытаніі»), які правёў магазін жалюзі і фіранак Terrys Fabrіcs, высветлілася, што кожны год жывёлы прыносяць сваім уладальнікам урон у памеры чатырох мільярдаў фунтаў стэрлінгаў (каля 5,6 мільярда долараў), паведамляе Daіly Maіl.


Прадстаўнік кампаніі патлумачыў, што фірма палічыла забаўным узнагародзіць уладальнікаў жывёл, чые дамы «сапраўды пацярпелі». У ходзе апытання стала вядома, што адна з 20 кошак прыносіць свайму ўладальніку штогадовы ўрон як мінімум на тысячу фунтаў стэрлінгаў (каля 1,4 тысячы долараў). Таксама стала вядома, што 69% аматараў катоў і 35% сабакагадоўцаў марнуюць больш за 200 фунтаў (каля 282 долараў) на рамонтныя работы. Пераможцам конкурсу Brіtaіn`s Naughtіest Pet стала кошка па мянушцы Молі з графства Нортумберленд на паўночным усходзе краіны. З-за гульняў звера ў доме яго гаспадыня 47-гадовая Паула Шарп аплаціла рахунак у 2 тысячы фунтаў стэрлінгаў (каля 2,8 тысячы долараў). У якасці прыза жанчына атрымала 500 фунтаў (каля 700 долараў).

А ў Харватыі ў лютым 2015 года суд горада Пула прыгразіў мясцоваму жыхару Антону Сімунавічу штрафам у 2,8 тысячы еўра ў выпадку, калі яго сабака Мяду працягне брахаць па начах. Каб выканаць рашэнне дзяржоргана, мужчыну трэба замыкаць жывёлу на ноч у хляве. Скардзіўся на сабаку сусед мужчыны.

Не на тую напаў!

У амерыканскім штаце Джорджыя прадаўшчыца пабіла мужчыну са зброяй, які спрабаваў абрабаваць краму. Пасля таго, як зламыснік накіраваў на жанчыну пісталет з патрабаваннем аддаць грошы з касы, ён нечакана для сябе атрымаў рашучы адпор.


Здарэнне было зазнята камерай назірання. Ролік з'явіўся ў сеціве і хутка набраў папулярнасць. Супрацоўніца прадуктовага магазіна выбіла з рук маладога чалавека зброю і прынялася наносіць яму ўдары рукамі і рознымі прадметамі. Калі рабаўніку ўдалося вырвацца, жанчына пабегла за ім на вуліцу з малатком у руцэ. Мясцовая паліцыя абвясціла падазраванага ў вышук.

Выбар рэдакцыі

Культура

Прывіды беларускіх муроў. Балі ў разбураным замку

Прывіды беларускіх муроў. Балі ў разбураным замку

Бона Сфорца не была ў Белым Ковелі, але танцуе там у выглядзе прывіду.

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне.