Cёлета люты аказаўся самым цёплым за ўсю гісторыю

Прычына — спалучэнне рэкорднага па магутнасці так званага "эфекту Эль-Ніньё" з працэсамі антрапагеннага глабальнага пацяплення.

Па вымярэннях НАСА, глабальная сярэдняя тэмпература на паверхні Землі была ў гэтым лютым на 1,35 градуса па Цэльсіі вышэй, чым сярэдняе значэнне для гэтага месяца за кантрольны перыяд з 1951 па 1980 гады. Такім чынам, тэмпературнае адхіленне ад нормы лютага 2016 года стала самым значным за ўвесь час навуковых метэаназіранняў, то бок з 1880-га.
Цяперашні люты пабіў рэкорд "анамальнасці", усталяваны, дарэчы, сёлетнім студзенем.

Спецыялісты НАСА звяртаюць увагу на тое, што папярэдні анамальна цёплы люты быў у 1998 годзе — гэтак жа падчас вельмі інтэнсіўнага Эль-Ніньё. Аднак тады перавышэнне сярэдняй тэмпературы над нормай склала толькі 0,846 градуса па Цэльсіі.