Прэм'ер-міністр Рэспублікі Беларусь Андрэй Кабякоў 15 сакавіка сустрэўся з Прэзідэнтам Рэспублікі Татарстан Рустамам Мініханавым, паведамілі ў прэс-службе беларускага ўрада.
Сустрэча прайшла ў рамках рабочага візіту прэм'ер-міністра Беларусі ў Рэспубліку Татарстан. Бакі абмеркавалі перспектывы двухбаковай гандлёва-эканамічнага супрацоўніцтва, умовы рэалізацыі сумесных праектаў.
«Татарстан для Беларусі — даўні сябар і найбуйнейшы эканамічны партнёр. Наша гандлёва-эканамічнае супрацоўніцтва мае досыць сур'ёзныя маштабы», — заявіў Андрэй Кабякоў. Пры гэтым ён канстатаваў падзенне гандлёва-эканамічнага абароту. «Максімальная лічба, якую мы мелі ў 2012 годзе, — 2 млрд. долараў. У 2015-м гэтая сума зменшылася больш чым удвая. Але фізічныя аб'ёмы ў нас досыць прыстойныя. Мы ставім перад сабой мэту вярнуцца на ўзровень нашых максімальных значэнняў і істотна дадаць па тых кірунках, дзе магчымасці відавочныя», — адзначыў кіраўнік урада.
Адным з такіх кірункаў ён назваў прамысловую кааперацыю. «Цяпер склаліся спрыяльныя ўмовы для больш высокага ўзроўня развіцця нашых двухбаковых адносін. У Татарстане створаны сумесныя зборачныя вытворчасці сельгастэхнікі МТЗ. У нас ёсць такое прадпрыемства, як «Бабруйскаграмаш», якое вырабляе навясную тэхніку, у тым ліку да трактароў МТЗ. Мы абсалютна справядліва казалі і пра тое, што трэба развіваць вытворчасць ліфтаў», — канстатаваў Андрэй Кабякоў.
У сваю чаргу Рустам Мініханаў адзначыў, што Беларусь і Татарстан актыўна ўзаемадзейнічаюць па розных кірунках. Па яго словах, на сустрэчы ў вузкім складзе бакі абмеркавалі перспектывы развіцця ТАА «Гандлёвы дом «МТЗ-БелАЗ». «Упэўнены, нашы дамоўленасці дазволяць пашырыць, стабілізаваць дзейнасць і прадставіць беларускую тэхніку на расійскім рынку ў больш шырокім асартыменце», — дадаў Рустам Мініханаў.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.