Вы тут

ІП выйшлі на працу ў сакавіку


Па словах дырэктара дэпартамента па прадпрымальніцтве Міністэрства эканомікі Пятра Арушаньянца, большасць індывідуальных прадпрымальнікаў, якія ў студзені не займаліся продажамі, у сакавіку выйшлі на працу.


Аднак ён таксама адзначыў, што інфармацыя супярэчлівая і назваць дакладныя лічбы складана. За 2015 год у Беларусі колькасць ІП зменшылася прыкладна на 6 тысяч і на пачатак 2016-га склала каля 243 тысяч. У гандлёвых цэнтрах і на рынках гандлююць толькі прыкладна 110 тысяч індывідуальных прадпрымальнікаў, з якіх каля паловы — прадаўцы тавараў лёгкай прамысловасці. Калі гаварыць аб выкарыстанні плошчаў на рынках і ў гандлёвых цэнтрах, варта адзначыць, што яны былі не запоўненыя амаль на траціну і без уліку ІП, якія не прыйшлі на працу ў пачатку 2016 года. Так, на 1 студзеня 2015 года на рынках і ў гандлёвых цэнтрах выкарыстоўвалася 74% гандлёвых месцаў, на 1 студзеня 2016-га — 65%.

Што тычыцца Мінска, то, па словах начальніка інспекцыі Міністэрства па падатках і зборах па Мінску Галіны Гурыновіч, прыпыненне дзейнасці некаторых індывідуальных прадпрымальнікаў у чаканні адмены Указа №222 не паўплывала адмоўна на паступленні падаткаў у бюджэт сталіцы. У Мінску налічваецца 70 тысяч ІП. З іх адзіны падатак выплачваюць 17 тысяч, з якіх 60% — плацельшчыкі адзінага падатку па паслугах і да гандлю не маюць ніякага дачынення. ІП — плацельшчыкаў адзінага падатку ад рознічнага гандлю — у сталіцы налічваецца 6,7 тысячы чалавек. Паступленне ад плацельшчыкаў адзінага падатку ў бюджэт сталіцы складае 0,4%, з якіх 60% — ад паслуг. Што тычыцца запаўняльнасці рынкаў, Галіна Гурыновіч адзначыла, што ў горадзе прадпрымальнікамі арандавана 3,8 тысячы месцаў на рынках і ў гандлёвых цэнтрах. Заплацілі адзіны падатак і выйшлі гандляваць каля 3,3 тысяч ІП. Толькі 518 прадпрымальнікаў заплацілі арэнду, але ў лютым не гандлявалі. Каля 200 ІП заявілі аб пераходзе на спрошчаную сістэму падаткаабкладання.

kryzhevіch@zvіazda.by

Выбар рэдакцыі

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.

Грамадства

Аповед жанчыны, якая здолела вярнуць дачку з сацыяльнага прытулку

Аповед жанчыны, якая здолела вярнуць дачку з сацыяльнага прытулку

Жанчыну, якая здолела не толькі вярнуць дзіця з прытулку, але і далей выхоўвае яго, знайсці аказалася не проста. 

Грамадства

Чаму зараз варта далей трымацца ад вадаёмаў?

Чаму зараз варта далей трымацца ад вадаёмаў?

Люты больш нагадвае пазачарговы вясновы месяц.

Грамадства

Якую літаратуру здаюць у букіністычныя крамы?

Якую літаратуру здаюць у букіністычныя крамы?

Калі звычайныя кнігарні працуюць па формуле «кніга — чалавек», то букіністычныя трымаюцца на прынцыпе «людзі — кнігі — людзі».