Вы тут

Рыбалка пад забаронай


У Гомельскай і Брэсцкай абласцях з 20 сакавіка ўводзіцца забарона на лоўлю ўсіх відаў рыбы. Аб гэтым паведамілі ў Дзяржаўнай інспекцыі аховы жывёльнага і расліннага свету пры Прэзідэнце Беларусі.


У гэтых рэгіёнах забарона ўстаноўлена да 18 мая. З 1 красавіка да 30 мая такі парадак устаноўлены ў Мінскай, Магілёўскай і Гродзенскай абласцях, а з 10 красавіка да 8 чэрвеня — на Віцебшчыне.

Дадатковыя ахоўныя меры ўводзяцца падчас нерасту рыбы (з гэтым звязаны і розныя тэрміны — у залежнасці ад рэгіёна). 

Праўда, варта мець на ўвазе, што падчас забароны рыбаліць усё ж магчыма — адной вудай з адным кручком ці адным спінінгам, аснашчаным штучнай прынадай, з адным адзінарным ці падвойным, ці патройным кручком у светлы час сутак з берага (без заходу ў ваду) або з лёду.

Выкарыстанне іншых прылад ці спосабаў лоўлі пагражае штрафам у памеры ад 20 да 50 базавых велічынь. Таксама варта мець на ўвазе, што ў гэты перыяд забаронена выкарыстанне грамадзянамі маламерных суднаў. 

У Дзяржінспекцыі нагадваюць: пры незаконнай здабычы рыбы ў перыяд вясновай забароны прычыненая шкода пакрываецца ў патройным памеры. Да прыкладу, за аднаго ляшча, вылаўленага незаконна, трэба заплаціць 1 млн. 890 тысяч рублёў, сома еўрапейскага — 2 млн. 520 тыс., ліня – 3 млн. 780 тыс. 

Калі агульная сума шкоды складзе 100 і больш базавых велічынь, пагражае крымінальная адказнасць.

Выбар рэдакцыі

Грамадства

На Гомельшчыне актыўна развіваюць валанцёрскі рух

На Гомельшчыне актыўна развіваюць валанцёрскі рух

Форма сацыяльнай актыўнасці падлеткаў.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».