Вы тут

Сёння — 73-я гадавіна хатынскай трагедыі


З гэтай нагоды ў Нацыянальным архіве Рэспублікі Беларусь быў падрыхтаваны і прэзентаваны зборнік дакументаў і матэрыялаў «Хатынская Сцяна памяці». Кніга стала чацвёртым выданнем серыі «Архіў. Гісторыя. Памяць».


У новым зборніку дакументаў прадстаўленыя матэрыялы з Нацыянальнага архіва Беларусі, Цэнтральнага архіва КДБ, архіваў Гомельскай і Брэсцкай абласцей, Барысаўскага краязнаўчага музея, Музея гісторыі і культуры яўрэяў. Выданне пабачыла свет пры падтрымцы расійскага фонду садзеяння актуальным гістарычным даследаванням «Гістарычная памяць».

— Першапачаткова мы выдалі зборнік дакументаў «Хатынь. Трагедыя і памяць», ён пабачыў свет у 2009 годзе. І здавалася б, што новага можна даведацца пра Хатынь, калі ўсе дакументы, прысвечаныя мемарыялу, ужо тады былі прадстаўленыя ў выданні. Нават больш, многія дакументы з Цэнтральнага архіва КДБ рассакрэчваліся спецыяльна для гэтай кнігі, — расказаў дырэктар Дэпартамента па архівах і справаводстве Міністэрства юстыцыі Беларусі Уладзімір Адамушка. — Потым склаўся зборнік «Хатынскі некропаль», рыхтуючы які, мы мелі на мэце не толькі паказаць могілкі 186 вёсак, якія не былі адноўленыя пасля вайны, але ў дакументах аднавіць гісторыю кожнай трагедыі.

Затым увагу архівістаў прыцягнула сімвалічнае Дрэва жыцця, дзе прадстаўленыя 433 спаленыя і адноўленыя пасля вайны вёскі. Дакументы, што распавядаюць іх гісторыю, склалі кнігу «Хатынь. Дрэва жыцця».

— Новы зборнік дакументаў «Хатынская Сцяна памяці» акцэнтуе ўвагу на мемарыяле Сцяна памяці, — кажа ўкладальнік зборніка, галоўны архівіст Нацыянальнага архіва Вячаслаў Селяменеў. — Яна змяшчае 66 ніш, дзе ўвекавечаныя лагеры і месцы масавага знішчэння людзей у гады вайны. Зборнік дакументаў расказвае пра кожную з ніш. Тут ёсць звесткі пра вядомы лагер Трасцянец, Мінскае гета, у той жа час у зборнік увайшлі і дакументы пра малавядомыя месцы знішчэння людзей, увекавечаныя ў хатынскім мемарыяле. Тут прадстаўленыя і лагеры савецкіх ваеннапалонных. Гэта і Масюкоўшчына, і шталаг у Баранавічах на станцыі Лясная, лагер у Магілёве.

Як кажуць, усе, нават гісторыкі, могуць супакоіцца і спыніць даследаванні, але архівісты не стамляюцца ніколі. Таму думаецца, што гэта не апошняя кніга архіўнай серыі, прысвечанай Хатыні, і ў хуткім часе даследчыкі і чытачы атрымаюць новы зборнік — матэрыял для глыбокіх даследаванняў, роздумаў і памяці.

vеsіаluhа@zvіаzdа.bу

Загаловак у газеце: Сотні, сотні Хатыняў...

Выбар рэдакцыі

Грамадства

Аповед жанчыны, якая здолела вярнуць дачку з сацыяльнага прытулку

Аповед жанчыны, якая здолела вярнуць дачку з сацыяльнага прытулку

Жанчыну, якая здолела не толькі вярнуць дзіця з прытулку, але і далей выхоўвае яго, знайсці аказалася не проста. 

Грамадства

Чаму зараз варта далей трымацца ад вадаёмаў?

Чаму зараз варта далей трымацца ад вадаёмаў?

Люты больш нагадвае пазачарговы вясновы месяц.

Грамадства

Капыльскі раён. Мінулы год можна назваць стабільным

Капыльскі раён. Мінулы год можна назваць стабільным

Чым Капыльскі раён жыве сёння і якія планы на перспектыву?

Грамадства

Якую літаратуру здаюць у букіністычныя крамы?

Якую літаратуру здаюць у букіністычныя крамы?

Калі звычайныя кнігарні працуюць па формуле «кніга — чалавек», то букіністычныя трымаюцца на прынцыпе «людзі — кнігі — людзі».