Вы тут

Прэміі «Чалавек года Міншчыны» за 2015 год удастоены 22 чалавекі


Спецыяльнай прэміі Мінскага аблвыканкама «Чалавек года Міншчыны» за 2015 год удастоены 22 чалавекі. Сярод іх тыя, хто працуе на вытворчасці, у сацыяльнай сферы, займаецца грамадскай дзейнасцю. Узнагароды ім на днях уручыў у Салігорску старшыня аблвыканкама Сямён Шапіра. Прыемна, што лепшым у намінацыі «Грамадска-палітычная дзейнасць» стаў наш калега — галоўны рэдактар «Маладзечанскай газеты» Аляксандр Лазоўскі.


Кіраўнік сталічнай вобласці падзякаваў лаўрэатам за ўклад у сацыяльна-эканамічнае развіццё рэгіёна. «Дарога да прызнання і поспеху ніколі не бывае лёгкай і кароткай. На яе ўплываюць шматлікія фактары, але галоўнае — гэта любоў да справы, якой займаешся», — падкрэсліў Сямён Шапіра.

Спецыяльная прэмія на Міншчыне заснавана ў 2011 годзе ў памеры 100 базавых велічынь (сёння базавая велічыня 210 тыс. рублёў). Яна прысуджаецца на конкурснай аснове для стымулявання творчай працы, прапаганды інавацыйных ідэй, перадавога досведу, дасягненняў. Пры вызначэнні прэтэндэнтаў улічваюцца як прафесійныя, так і маральныя якасці, значнасць і эфектыўнасць дасягнутага.

Акрамя таго, падчас урачыстасці званне «Ганаровы грамадзянін Мінскай вобласці» прысвоена Сяргею Лінгу, які ў 1996-2000 гадах займаў пасаду прэм'ер-міністра Беларусі, Уладзіміру Гаркуну — першаму намесніку старшыні Выканаўчага камітэта — выканаўчага сакратара СНД, а таксама Юрыю Астроўскаму — доктару медыцынскіх навук, загадчыку лабараторыі хірургіі сэрца РНПЦ «Кардыялогія».

lazovskaya@zviazda.by

Загаловак у газеце: Дарога да прызнання не бывае лёгкай

Выбар рэдакцыі

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне. 

Грамадства

Чаму карты на беларускай мове — гэта стапрацэнтны эксклюзіў?

Чаму карты на беларускай мове — гэта стапрацэнтны эксклюзіў?

Першай грунтоўнай работай айчынных картографаў па-беларуску стаў Нацыянальны атлас, выпушчаны ў 2002 годзе.

Культура

Што агульнага паміж творчасцю і «табурэткай»?

Што агульнага паміж творчасцю і «табурэткай»?

Дзе можна асвоіць літаратурнае майстэрства? Як становяцца пісьменнікамі?

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.