Пра гатоўнасць дзвюх краін пашыраць кантакты па ўсіх напрамках ішла размова на сустрэчы кіраўніка беларускай дзяржавы Аляксандра Лукашэнкі і прэм'ер-міністра Грузіі Георгія Квірыкашвілі.
У час сустрэчы былі абмеркаваны перспектывы ўзаемадзеяння ў розных сферах, паведамляе прэс-служба Прэзідэнта. У гандлёва-эканамічнай, у прыватнасці, сярод найважнейшых задач пазначана дасягненне тавараабароту ў $ 200 млн. На думку Аляксандра Лукашэнкі, гэта першы крок, які Беларусь і Грузія павінны зрабіць у бліжэйшы час. Да гэтага часу бакі паспелі добра вывучыць магчымасці і патрэбы адзін аднаго ў частцы ўзаемных паставак. Вялікая ўвага нададзена развіццю супрацоўніцтва ў прамысловасці, у тым ліку стварэнню сумесных вытворчасцей.
Як неаднаразова падкрэслівалася падчас сустрэчы, значны імпульс развіццю двухбаковых адносін надаў афіцыйны візіт Аляксандра Лукашэнкі ў Грузію ў красавіку 2015 года. Тады бакі, ацаніўшы значнасць патэнцыялу супрацоўніцтва, дасягнулі вялікай колькасці дамоўленасцей. Над іх рэалізацыяй працуюць цяпер ўрады дзвюх краін. Беларускі бок, як запэўніў кіраўнік дзяржавы, ад гэтага курса не адступіць.
Цяперашні візіт Георгія Квірыкашвілі ў Беларусь Аляксандр Лукашэнка назваў не проста знакавым. Паводле слоў беларускага лідара, гэта сведчанне сур'ёзных намераў Грузіі умацоўваць адносіны з Беларуссю. Грузінскі бок у сваю чаргу бачыць велізарны прагрэс ва ўсіх сферах ўзаемадзеяння з Беларуссю і накіраваны на прасоўванне канкрэтных праектаў.
Прэзідэнт канстатаваў, што ў Беларусі і Грузіі практычна няма разыходжанняў ў знешняй палітыцы. "Усё роўна, які курс ўзяла Грузія і якога прытрымліваемся мы. Гэта нам не перашкаджае выбудоўваць адносіны", - звярнуў увагу Аляксандр Лукашэнка. Краіны адсочваюць падзеі, працэсы, якія адбываюцца ў свеце, і гатовыя з іх улікам карэктаваць ўзаемадзеянне, але, як падкрэсліў кіраўнік беларускай дзяржавы, толькі ў бок паляпшэння.
Фота БЕЛТА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
