Вы тут

Кантрабанду дасталі з дапамогай «балгаркі»


Паток цыгарэт, што нелегальна перамяшчаюцца праз мытную мяжу Еўразійскага эканамічнага саюза ў краіны ЕС, не спыняецца.

Прычым гэты паток не толькі не скарачаецца, а нават узрастае. Калі ў мінулым месяцы гродзенскія мытнікі спынілі тытунёвую кантрабанду агульным коштам больш за 97 мільёнаў рублёў, то з пачатку сакавіка — ужо амаль на 213 мільёнаў рублёў.


Парушальнікі хаваюць «левыя» цыгарэты пад прыкрыццём іншых тавараў, робяць тайнікі як у легкавіках, так і ў «фурах». Нярэдка, каб дабрацца да гэтых хованак, трэба дэманціраваць розныя часткі аўтамабіля альбо валодаць спецыяльнымі ведамі ў галіне электрамеханікі.

Асабліва ўражвае апошняе затрыманне ў пункце пропуску «Брузгі», дзе з тайніка машыны дасталі больш за 17 тысяч пачкаў цыгарэт на суму каля 166 мільёнаў рублёў. Выявіць кантрабанду дапамагла спецыяльная сканіруючая тэхніка, якая знаходзіцца ў распараджэнні супрацоўнікаў мытні і здольная заўважыць нават самы мудрагелісты тайнік. У гэтым выпадку ў аператара-аналітыка, які сканіраваў грузавы аўтамабіль, выклікала падазрэнне канструктыўная асаблівасць паўпрычэпа-платформы. І, як аказалася, недарэмна. Мытны дагляд засведчыў, што ў сярэдняй частцы паўпрычэпа па ўсёй даўжыні ніжняй секцыі прыстасавалі металічную скрынку, якая служыла тайніком. Каб атрымаць да яго доступ, мытнікі былі вымушаны разгрузіць тавар і прымяніць спецыяльныя рэжучыя інструменты. Па факце незаконнага перамяшчэння тытунёвых вырабаў вядзецца адміністрацыйны працэс.

— Нагадваем, што перамяшчэнне праз мытную мяжу Еўразійскага эканамічнага саюза тавараў у тайніках пагражае парушальніку не толькі штрафам з канфіскацыяй схаваных прадметаў. Уладальнік аўтамабіля можа застацца і без свайго транспартнага сродку, — папярэджвае старшы інспектар Гродзенскай рэгіянальнай мытні Юлія РАМАНЮК.

І такая мера пасля таго, як гродзенскія мытнікі выявілі цыгарэты ў аўтамабільных тайніках, ужо неаднойчы прымянялася. Толькі з пачатку сёлетняга года сваіх гаспадароў пазбавіліся машыны агульным коштам больш за 6,5 мільярда рублёў.

prakopchіk@zvіazda.by

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.