Вы тут

«Дзеці падглядаюць пін-коды і крадуць грошы з банкаўскіх картак»


Менавіта з такімі злачынствамі ўсё часцей прыходзіцца сутыкацца праваахоўнікам. Аб гэтым у размове з карэспандэнтам «Звязды» паведаміў Вадзім ПЕТЫШ, намеснік начальніка арганізацыйна-аналітычнага ўпраўлення міліцыі грамадскай бяспекі МУС РБ.


— Сітуацыя ў дзіцячай злачыннасці паступова мяняецца, — кажа Вадзім Петыш. — Раней падлеткі пераважна кралі, хуліганілі, маглі машыну ўзяць чужую. Цяпер часцей здзяйсняць злачынствы ім дапамагаюць сучасныя тэхналогіі. Так, выпадкаў хакерства з боку школьнікаў мы не фіксавалі, але ўсё ідзе да гэтага. Тым часам дзеці падглядаюць пін-коды, крадуць грошы з банкаўскіх картак...

10 гадоў таму ў Беларусі ўсяго было зарэгістравана з дзясятак выпадкаў, калі падлеткі кралі з выкарыстаннем камп'ютарнай тэхнікі. У 2015-м — амаль сорак.

Ахвярамі малалетніх злачынцаў найчасцей становяцца незнаёмыя людзі, якія па неасцярожнасці «засвяцілі» пін-код. Самая вялікая сума грошай, якой атрымалася завалодаць малому парушальніку, склала крыху больш за тры мільёны рублёў.

Падобную праблему разглядалі нават на заканадаўчым узроўні і прыйшлі да рашэння знізіць планку адказнасці за крадзяжы з выкарыстаннем камп'ютарнай тэхнікі з 16 да 14 гадоў. Мера пакарання — тры гады зняволення альбо штраф. Для маладзейшых — пастаноўка на ўлік у інспекцыю па справах непаўналетніх. Змены ў заканадаўстве пачнуць дзейнічаць ужо з красавіка.

Яшчэ адна праблема, якая клапоціць праваахоўнікаў, — захоўванне і распаўсюджванне тынейджарамі парнаграфіі. У дачыненні іх з-за гэтага міліцыя летась завяла 34 крымінальныя справы, пазалетась — 20. Дынаміка відавочная.

— Скінуў сябру з мабільніка на мабільнік інтымнае відэа — гэта распаўсюджванне, — працягвае Вадзім Петыш. — Паставіў «падабайку» пад відэа ў сацыяльных сетках, адлюстраваўся запіс у стужцы навін — ужо захоўванне. Гэта караецца законам.

Да такіх парушэнняў найчасцей прыводзіць дзіцячае глупства, жаданне пажартаваць з сябрамі, няведанне. Фігурантамі падобных спраў найчасцей становяцца не «цяжкія» падлеткі, а дзеці з добрых, забяспечаных сем'яў. Безумоўна, за падобную правіну дзіця ў турму не пасадзяць. Але і ахвотныя папоўніць кампанію «шчасліўчыкаў» на ўліку ў інспектара па справах непаўналетніх наўрад ці знойдуцца.

Выбар рэдакцыі

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.

Грамадства

Як Брэст рыхтуецца да святкавання свайго 1000-годдзя

Як Брэст рыхтуецца да святкавання свайго 1000-годдзя

Афіцыйныя святкаванні і асноўныя мерапрыемствы гарадскога Міленіума пройдуць 6—8 верасня.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ляльку з секс-шопа, галубоў на ігрушы і дзяўчынку, якая схавала пашпарты.