23 Верасень, нядзеля

Вы тут

З улікам нацыянальных інтарэсаў


Прэзідэнт даручыў актывізаваць перагаворны працэс па ўступленні нашай краіны ў СГА.


Такую задачу Аляксандр Лукашэнка паставіў на нарадзе аб узаемадзеянні з Сусветнай гандлёвай арганізацыяй. "З аднаго боку, цалкам відавочна, што не інтэгравацца ў сусветную гандлёвую сістэму Беларусь дазволіць сабе не можа, бо наша эканоміка з'яўляецца экспартаарыентаванай і ад умоў на знешнім рынку шмат у чым залежыць дабрабыт краіны", - сказаў кіраўнік дзяржавы.

"Але ўступленне ў СГА не павінна стаць для нас самамэтай. Захаванне нацыянальных інтарэсаў у ходзе перамоў - ключавы прынцып", - падкрэсліў Аляксандр Лукашэнка.

У ходзе нарады кіраўнік дзяржавы пацікавіўся, ці змогуць беларускія вытворцы працаваць ва ўмовах СГА, то ёсць без большасці цяпер дзеючых мер нетарыфнага рэгулявання і дзяржпадтрымкі. Акрамя таго, Прэзідэнта цікавіла, што дадаткова трэба зрабіць на ўзроўні ўрада для абароны эканамічных інтарэсаў дзяржавы, калі краіна ўступае ў СГА.

"Самае галоўнае пытанне: ці трэба нам гэта ў цяперашніх умовах", - сказаў кіраўнік дзяржавы. "Яшчэ зусім нядаўна, учора, казалі, што нас там, увогуле, не хацелі б бачыць. Сёння нас ужо актыўна да гэтага падштурхоўваюць. Хто? Што, у нас добразычліўцы ў свеце ёсць? Не. У эканоміцы суцэльная канкурэнцыя. І я заўсёды, калі нашы супернікі падштурхоўваюць да нейкіх рэчаў, сур'ёзна задумваюся, з чаго б гэта ", - адзначыў Прэзідэнт.

Аляксандр Лукашэнка звярнуў увагу на тое, што фактычна ўтвораны два наймагутных саюзы: з аднаго боку - Трансатлантычнае гандлёвае і інвестыцыйнае партнёрства, з другога - Трансціхаакіянскае партнёрства. "Што застаецца для Сусветнай гандлёвай арганізацыі ў гэтым свеце? Некаторыя мае калегі ў вузкім коле, калі мы абмяркоўваем гэтае пытанне, кажуць, што СГА фактычна сябе вычарпала", - дадаў беларускі лідар. "Словам, трэба сёння вызначыцца, што мы будзем рабіць з Сусветнай гандлёвай арганізацыяй", - рэзюмаваў Прэзідэнт.

Членамі СГА з'яўляюцца галоўныя саюзнікі Беларусі - Расія і Казахстан. "Нам даводзіцца гэта ўлічваць. Тым не менш мы маем пэўную ступень свабоды, не звязаную правіламі Сусветнай гандлёвай арганізацыі. Дык вось гэтая ступень свабоды нам патрэбна ці не патрэбна? Пры уступленні ў СГА мы атрымаем нешта большае, ці гэта нічога не дасць, ці мы павяжам самі сябе пэўнымі абавязацельствамі?" - звярнуўся Аляксандр Лукашэнка да прысутных на нарадзе.

Прэзідэнт звярнуў увагу на неабходнасць выканання партнёрамі прынцыпаў празрыстасці і паслядоўнасці, паведамляе прэс-служба кіраўніка дзяржавы. Ён адзначыў, што расійскі бок у свой час гаварыў пра тое, што пасля стварэння Мытнага саюза, выпрацаваўшы жорсткія пазіцыі трох дзяржаў, краіны будуць уступаць на іх у СГА. Паводле слоў Прэзідэнта, тым не менш праз некаторы час Расія стала членам СГА, прапанаваўшы партнёрам на прынцыпах гэтай арганізацыі ствараць Мытны, а затым і эканамічны саюз. Пасля, не інфармуючы саюзнікаў, як гэта было абяцана, у СГА ўступіў Казахстан, панізіўшы мытную абарону. «І мы фактычна засталіся адны, не уступіўшы ў СГА», - сказаў кіраўнік дзяржавы. На яго думку, з улікам сітуацыі, якая склалася Беларусь вымушана прытрымлівацца сваім інтарэсам, пры гэтым улічваючы дамоўленасці з партнёрамі.

«Я наўмысна ўпершыню публічна кажу пра паводзіны нашых саюзнікаў і нашага галоўнага саюзніка, таму што я часта чую, што вось, мы тут, у Беларусі, павярнуліся кудысьці на Захад, - сказаў Прэзідэнт. - Гэта таксама, як рэакцыя на тое, хто тут куды «паварочваўся».

На нарадзе былі падрабязна разгледжаны ўсе станоўчыя бакі і магчымыя рызыкі ўступлення Беларусі ў Сусветную гандлёвую арганізацыю. Па выніках абмеркавання прынята рашэнне актывізаваць перагаворны працэс па далучэнні Беларусі да СГА.

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.