Генеральны прадзюсарскі цэнтр Белтэлерадыёкампаніі сумесна з Нацыянальнай акадэміяй навук Беларусі спецыяльна для «Беларусь 3» прадстаўляюць новы навукова-папулярны праект «Навукаманія». Першы выпуск выйдзе ў эфір 7 красавіка.
Праект у цікавай і займальнай форме пазнаёміць гледачоў са светам навуковых адкрыццяў, вынаходак, новых тэхналогій і дасягненняў. Як уладкаваны наш свет, як працуюць тэхналогіі, як ствараюцца рэчы, што нас атачаюць. Разам з тым галоўная мэта праграмы — папулярызацыя айчыннай навукі. Кожны выпуск праграмы будзе прысвечаны некалькім цэнтральным тэмам, пра якія раскажа вядучы ў студыі і спецыяльна запрошаныя госці: аўтарытэтныя навукоўцы, супрацоўнікі НАН, кіраўнікі інстытутаў. Тэлегледачы ўбачаць таксама спецыяльныя тэматычныя рэпартажы з розных навуковых устаноў. Тэмы першых выпускаў — генетыка чалавека, лекі новага пакалення, таямніцы чалавечага мозга, прамысловыя біятэхналогіі.
«Навукаманія» на «Беларусь 3» чакайце кожны тыдзень па чацвяргах у 17.40. Працаваць над праектам будуць: вядучая Кацярына Бірэцкая, галоўны рэдактар Інга Бялова, прадзюсар Сяргей Кацьер пад кіраўніцтвам Кірыла Казакова. Куратарам ад Нацыянальнай акадэміі навук Беларусі выступіць Наталля Марцалева.
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.