Беларускі дзяржаўны педагагічны ўніверсітэт сумесна з платформай Talaka.by упершыню праводзяць конкурс даследчых стартап-праектаў у сацыяльна-адукацыйнай сферы ў рамках Дэкады студэнцкай навукі.
Для ўдзелу ў конкурсе неабходна зарэгістравацца на платформе Talaka.by не пазней за 6 красавіка гэтага года і апублікаваць ідэю праекта на той жа платформе з выкарыстаннем пазнакі «БДПУ-стартап» не пазней за 11 красавіка гэтага года.
Прапануюцца наступныя намінацыі: «Найлепшы мультымедыйны стартап», «Найлепшы стартап у электронных навучальных гульнях», «Найлепшы электронны вучэбна-выдавецкі стартап», «Найлепшы метадычны стартап» (па прадметах і галінах ведаў), «Найлепшы навукова-даследчы стартап у галіне адукацыі» (індывідуальны або групавы), «Найлепшы міждысцыплінарны адукацыйны стартап», «Найлепшы стартап сацыяльнай значнасці» і «Найлепшы стартап інклюзіўнай накіраванасці».
Правядзенне трэнінгаў для аўтараў стартап-праектаў будзе праходзіць з 4 красавіка па 22 красавіка. Публічная прэзентацыя праектаў, падвядзенне вынікаў і ўзнагароджанне адбудуцца 25 красавіка.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.