Вы тут

«Эталон-стандарт» — прававая і тэхнічная інфармацыя на адным сайце


У краіне запусцілі ўнікальны інфармацыйны рэсурс «Эталон-стандарт», які забяспечвае доступ да тэхнічнага заканадаўства любой дзяржавы.

Гэты рэсурс з'яўляецца сумеснай распрацоўкай Нацыянальнага цэнтра прававой інфармацыі Рэспублікі Беларусь (НЦПІ) і Беларускага дзяржаўнага інстытута стандартызацыі і сертыфікацыі (БелДІСС).


«Эталон-стандарт» прадастаўляе адзіны доступ да дакументаў эталоннага банка даных прававой інфармацыі рэспублікі, матэрыялаў правапрымяняльнай і судовай практыкі, а таксама да дакументаў камп'ютарнага банка даных Нацыянальнага фонду тэхнічных нарматыўных прававых актаў (ТНПА). Сярод іх — прававыя акты, якія складаюць заканадаўства Рэспублікі Беларусь; міжнародныя дагаворы; судовыя рашэнні і акты пракурорскага нагляду; ТНПА, у тым ліку тэхнічныя рэгламенты, дзяржаўныя стандарты, санітарныя правілы і нормы і іншыя дакументы; афіцыйныя каментары і тлумачэнні па ўжыванні тэхнічнага заканадаўства і інш.

Як кажуць самі спецыялісты, такое шырокае інфармацыйнае напаўненне з'яўляецца найважнейшай перавагай новага рэсурсу, дазваляе скараціць затраты на пошук і атрыманне неабходнай інфармацыі, забяспечвае комплекснасць яе прадастаўлення, павышае эфектыўнасць выкарыстання дзяржаўных інфармацыйных рэсурсаў, павялічвае ступень інфармаванасці розных катэгорый карыстальнікаў. «Эталон-стандарт» стане эфектыўным і незаменным інструментам у юрыдычнай, эканамічнай, сацыяльнай сферах, навукова-тэхнічнай і вытворчай дзейнасці.

Сумесны рэсурс аб'яднаў два дзейныя банкі даных, сфарміраваных НЦПІ і БелДІСС: эталонны банк прававой інфармацыі і камп'ютарны банк даных Нацыянальнага фонду ТНПА.

— Сёння мы можам прапанаваць такую магчымасць, што пры дапамозе аднаго кліка можна ўбачыць патрабаванні, якім павінна адпавядаць прадукцыя або паслуга, і пры гэтым разумець, якія прававыя нормы павінны быць забяспечаны пры іх выпуску, — тлумачыць дырэктар БелДІСС Ірына АСМОЛА. — «Эталон-стандарт» спалучае дзве платформы: тэхнічную і прававую інфармацыю, што вельмі зручна для розных катэгорый карыстальнікаў.

Намеснік дырэктара НЦПІ Віктар Шаршун адзначыў, што выкарыстанне новага рэсурсу дасць магчымасць павысіць эфектыўнасць рашэнняў, якія прымаюцца як для дзяржаўных органаў у сферы дзяржаўнага кіравання, так і ў сферы гаспадарчай дзейнасці для суб'ектаў гаспадарання. «Стварэнне такога рэсурсу з'яўляецца чарговым крокам да фарміравання адзінай інфармацыйнай прасторы на шляху нашай краіны да інфармацыйнага грамадства», — падкрэсліў ён.

Створаны «Эталон-стандарт» з'яўляецца першым сумесным крокам НЦПІ і БелДІСС па далейшым развіцці адзінай інфармацыйна-прававой прасторы Беларусі.

Інфармацыйны рэсурс даступны як карыстальнікам персанальных камп'ютараў, так і мабільных прылад, падтрымліваецца ўсімі асноўнымі браўзерамі.

Загаловак у газеце: Эфектыўны інструмент

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.