19 верасня, субота

Вы тут

Кідайце або плаціце больш


Жорсткія меры ў дачыненні да тытунёвых вырабаў і электронных цыгарэт будуць працягвацца. Па прыкладзе краін, дзе такая работа прынесла ўжо свой плён.  


Так, у шэрагу заходніх краін удзельная вага падатку ў кошце тытунёвых вырабаў складае каля 70 працэнтаў, а ў нас пакуль толькі 30. "Чым раней мы зробім тое ж самае, тым лепш для насельніцтва, -- заўважае кіраўнік Краінавага бюро Сусветнай арганізацыі аховы здароўя ў Рэспубліцы Беларусь Ягор ЗАЙЦАЎ. -- Размовы аб тым, што ў выніку павышэння цаны на тытунь, дзяржава не даатрымае падатку, беспадстаўныя. У тых краінах, дзе такія меры прынятыя, дзяржава не прайграла". Больш за тое, практыка  краін, у якіх было абмежаванае курэнне ў грамадскіх месцах, паказала зніжэнне ўзроўню захваральнасці на інфаркт міякарда літаральна цягам шасці месяцаў. А таму ўрачы звяртаюць увагу і на непрамыя затраты дзяржавы на пераадоленне наступстваў курэння -- лячэнне, рэабілітацыю, інваліднасць пацыентаў, які захварэлі ў выніку згубнай звычкі. Вядома, што 50 працэнтаў курцоў гінуць ад захворванняў сістэмы кровазвароту, 25 працэнтаў -- ад анкалогіі і яшчэ 25 -- ад хранічных захворванняў лёгкіх.

-- У нас рэгулярна падымаюцца цэны на цыгарэты, але пакуль толькі на тыя, што адносяцца да высокага цэнавога сегменту, -- адзначае загадчыца аддзела грамадскага здароўя Рэспубліканскага цэнтра гігіены, эпідэміялогіі і грамадскага здароўя Вольга БАРТМАН. -- А больш важна адэкватна фарміраваць цану на нізкі і сярэдні сегмент. У межах праграмы выроўнівання кошту ў межах Еўразійскага эканамічнага саюза Беларусь імкнецца да больш высокага ўзроўню. Работа па фарміраванні цанавой палітыкі працягваецца. Мы павінны ўстанавіць мінімальна парог, ніжэй якога цана на цыгарэты не павінна апускацца і пры гэтым неабходна зафіксаваць норму аб адсутнасці абмежаванняў верхняга парогу кошту.

Спажыванне тытунёвых вырабаў рэгулюе сёння Дэкрэт №28. Шэраг важных крокаў ужо зроблены (летась, напрыклад, забаронена адкрытая выкладка такога тавару). Зараз зацверджаны апошнія патрабаванні да ўпакоўкі, і рашэнне адносна гэтага будзе зафіксавана ў Дэкрэце.

Новыя прапановы знаходзяцца на разглядзе ў Савеце Міністраў. Вось асноўныя:

-- прыраўняць электронныя цыгарэты да тытуню і распаўсюдзіць на іх тыя ж патрабаванні, што і да тытуню;

-- пашырыць колькасць грамадскіх месцаў, дзе курэнне будзе забаронена або цалкам, або шляхам вылучэння спецыяльных зон (патрабаванні да такіх месцаў вызначаюць міністэрствы аховы здароўя і па надзвычайных сітуацыях);

-- забараніць курэнне ў прысутнасці дзяцей да 14 гадоў у аўтамабілях і грамадскіх месцах закрытага тыпу.

Выбар рэдакцыі

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

«А аднойчы нашу аператарку запрасілі замуж па тэлефоне». Чым жыве кантакт-цэнтр «Белпошты»?

«А аднойчы нашу аператарку запрасілі замуж па тэлефоне». Чым жыве кантакт-цэнтр «Белпошты»?

Тры кароткія лічбы — 154. Гэта нумар кантакт-цэнтра «Белпошты». Яго набіраюць тыя, хто сутыкаецца з пытаннямі датычна паслуг, якія аказваюць паштавікі. За кожным з такіх званкоў стаіць свая гісторыя.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.