Вы тут

З 1 красавіка па 30 мая забараняецца аматарская лоўля судака


З мэтай захавання судака і стварэння спрыяльных умоў для яго ўзнаўлення, згодна з пастановай Міністэрства прыродных рэсурсаў і аховы навакольнага асяроддзя, устанаўліваецца забарона на аматарскую лоўлю судака ва ўсіх рыбалоўных угоддзях краіны ў перыяд з 1 красавіка па 30 мая.


У гэты перыяд цалкам забараняецца аматарскае рыбалоўства ў месцах масавага нерасту судака. У Лунінецкім раёне Брэсцкай вобласці: на канале Мікашэвіцкі — на працягу 2,5 кіламетра ўверх ад месца ўпадзення канала ў раку Прыпяць; на рацэ Прыпяць — на адлегласці 500 метраў уверх і ўніз па цячэнні ад месца ўпадзення ў яе канала Мікашэвіцкі. У Гродзенскім раёне Гродзенскай вобласці: на канале Аўгустоўскім — ад шлюза каля вёскі Нямнова да месца ўпадзення канала ў раку Нёман; на пойменных вадаёмах ракі Нёман — на Келбаскай затоцы каля вёскі Келбаскі; на Беражанскай затоцы каля вёскі Беражаны; у Мастоўскім раёне Гродзенскай вобласці: на пойменных вадаёмах ракі Нёман — возеры Стары Нёман-1 каля вёскі Харціца; возеры Вінабойскае і возера Новае каля вёскі Навінка; на затоцы без назвы каля вёскі Дубна. У Магілёве і Магілёўскім раёне гаворка ідзе пра ўчастак ракі Дняпро і прылеглыя пойменныя вадаёмы ў межах ад водазабору Магілёўскага аўтамабільнага завода імя С.М. Кірава да вусця ракі Дзебра.

rs@zviazda.by

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.